Hari Hara Veera Mallu: పవర్ స్టార్ ‘హరి హర వీర మల్లు’ సెట్స్ పైకి వెళ్ళేది అప్పుడేనట..

Hari Hara Veera Mallu: పవర్ స్టార్ పవన్ కళ్యాణ్ అటు రాజకీయాలతోనూ ఇటు సినిమాలతోను ఫుల్ ఫుల్ బిజీగా ఉన్నారు. దాదాపు  మూడేళ్ళ గ్యాప్ తర్వాత వకీల్ సాబ్ సినిమాతో ప్రేక్షకుల ముందుకు వచ్చారు పవర్ స్టార్. వేణు శ్రీరామ్ దర్శకత్వంలో తెరకెక్కిన ఈ సినిమా మంచి విజయాన్ని అందుకుంది. ఈ సినిమాతో పవర్ ఫుల్ కంబ్యాక్ ఇచ్చారు పవన్. ఇక ఈ సినిమా;తర్వాత ఇప్పుడు భీమ్లానాయక్ సినిమాతో రాబోతున్నారు. మలయాళ సూపర్ హిట్ మూవీ అయ్యప్పనుమ్ కోషియం సినిమా రీమేక్ గా వస్తున్న ఈ సినిమాకుసాగర్ చంద్ర దర్శకత్వం వహిస్తున్నారు. ఈ సినిమాకు మాటల మాంత్రికుడు త్రివిక్రమ్ శ్రీనివాస్ దర్శకత్వ పర్యవేక్షణ బాధ్యతలు తీసుకున్నారు. ఇప్పటికే విడుదలైన ఈ సినిమా పోస్టర్లు, పాటలు, టీజర్ సినిమాపై అంచనాలను భారీగా పెంచేశాయి. త్వరలోనే ఈ సినిమా ప్రేక్షకుల ముందుకు రానుంది. ఇక ఈ సినిమాతోపాటు క్రిష్ దర్శకత్వంలో పాన్ సినిమా చేస్తున్న విషయం తెలిసిందే.

హరి హర వీరమల్లు అనే టైటిల్ తో ఈ సినిమా  రానుంది. ప్రియాడికల్ డ్రామాగా ఈ సినిమాను రూపొందిస్తున్నాడు దర్శకుడు క్రిష్. ఇక ఈ సినిమా షూటింగ్ ఇప్పటికే మొదలైంది. కానీ కరోనా కారణంగా వాయిదా పడుతూ వస్తుంది. ఈ సినిమాలో పవన్ బందిపోటుగా కనిపించనున్నారని తెలుస్తుంది. ఈ సినిమాలో పవన్ కు జోడీగా ఇస్మార్ట్ బ్యూటీ నిధి అగర్వాల్ నటిస్తుంది. ‘హరి హర వీరమల్లు’ సినిమా ఇప్పటికే 50 శాతం చిత్రీకరణను జరుపుకుంది. ‘భీమ్లా నాయక్’ షూటింగు పూర్తయిన తరువాత ఈ సినిమా కంప్లీట్ చేయాలని చూస్తున్నారు పవన్. అయితే జనవరి 15  నుంచి ఈ సినిమా షెడ్యూల్ ను  మొదలు పెట్టాలని అనుకున్నారట,, కానీ ఇప్పుడున్న పరిస్థితుల్లో షూటింగ్ జరపగా పోవడమే మంచిదని భావిస్తున్నారట. ఫిబ్రవరిలో పరిస్థితి ఎలా ఉంటుందనేది చూసుకుని అప్పుడు షూటింగ్ మొదలుపెడదామని క్రిష్ తో పవన్  చెప్పినట్టుగా టాక్.

మరిన్ని ఇక్కడ చదవండి : 

Pushpa: అల్లు అర్జున్ నిజంగా అదరగొట్టేశాడు .. పుష్ప సినిమా పై తమిళ్ స్టార్ హీరో కార్తీ ఇంట్రస్టింగ్ కామెంట్స్..

సినిమాతారలను వదలని మహమ్మారి.. వరుసగా కరోనా బారిన పడుతున్న మూవీ స్టార్స్.. ఆందోళనలో అభిమానులు

Viral Photo: ఈ ఫోటోలోని చిన్నారి ఓ కల్ట్ మూవీతో టాలీవుడ్ ఎంట్రీ ఇచ్చింది.. ఎవరో గుర్తుపట్టారా..?