ఫిట్నెస్ సీక్రెట్ రివీల్ చేసిన డ్యాన్సింగ్ క్వీన్.. ఈ 5 వ్యాయామాలే గ్లామర్ రహస్యమా?
ఆమె స్టేజ్ మీదకు వచ్చిందంటే చాలు.. కుర్రకారు గుండెల్లో సెగలు పుట్టాల్సిందే. తనదైన డ్యాన్స్ మూవ్స్తో, అద్భుతమైన ఫిట్నెస్తో బాలీవుడ్ నుంచి టాలీవుడ్ వరకు ఒక ఊపు ఊపేస్తోంది ఆ బ్యూటీ. కేవలం ఐటమ్ సాంగ్స్ మాత్రమే కాదు, తన పర్ఫెక్ట్ బాడీ షేప్తో గ్లోబల్ లెవల్లో అభిమానులను సంపాదించుకుంది.
30 ఏళ్లు దాటినా కూడా ఆమె గ్లామర్ ఏమాత్రం తగ్గకపోవడమే కాకుండా, రోజురోజుకూ మరింత పెరుగుతోంది. చాలామంది ఆమె ఫిట్నెస్ అంతా కేవలం డ్యాన్స్ వల్లే అనుకుంటారు. కానీ ఆ కర్వీ బాడీ వెనుక గంటల కొద్దీ జిమ్లో చేసే కఠినమైన వ్యాయామాలు, ఒక క్రమశిక్షణ కలిగిన జీవనశైలి దాగి ఉన్నాయి. ముఖ్యంగా ఆమె బాడీలో లోయర్ పార్ట్ అంత టోన్డ్గా ఉండటానికి ఆమె చేసే ఐదు రకాల ప్రత్యేక వ్యాయామాలు ఇప్పుడు నెట్టింట వైరల్ అవుతున్నాయి. ఇంతకీ ఆ డ్యాన్సింగ్ క్వీన్ ఎవరు? ఆమె అందాన్ని కాపాడుకోవడానికి చేసే ఆ 5 మ్యాజికల్ ఎక్సర్సైజ్లు ఏంటో తెలుసుకుందాం..
బాలీవుడ్ డ్యాన్సర్ నోరా ఫతేహీ అంటేనే ఫిట్ బాడీ, ఆకట్టుకునే డ్యాన్స్ మూవ్స్ గుర్తొస్తాయి. తాజాగా 34 ఏళ్ల వయసు పూర్తి చేసుకున్న నోరా.. తన ఫిట్నెస్కు ఎంత ప్రాధాన్యత ఇస్తుందో మరోసారి అభిమానులకు వివరించింది. కేవలం డ్యాన్స్తోనే కాకుండా, సరైన వ్యాయామాలు, సమతుల్య ఆహారం వల్లే ఈ ఫిట్నెస్ సాధ్యమని ఆమె చెబుతోంది. నోరా తన వర్కౌట్లో ముఖ్యంగా కోర్ మసిల్స్, కాళ్లు, గ్లూట్స్పై ఎక్కువగా దృష్టి పెడుతుంది. పైలాటిస్ చేయడం, రెగ్యులర్గా జిమ్కి వెళ్లడం ఆమె దినచర్యలో భాగమని ఈ నటి అంటోంది.
నోరా పాటించే ముఖ్యమైన వ్యాయామాలు..
- గ్లూట్ బ్రిడ్జ్: ఇది ప్రారంభ స్థాయి వారికి చాలా మంచి వ్యాయామం. నడుము బలాన్ని పెంచడంతో పాటు గ్లూట్స్, హ్యామ్స్ట్రింగ్స్ బలపడటానికి ఇది ఎంతగానో తోడ్పడుతుంది.
- సింగిల్ లెగ్ డెడ్లిఫ్ట్: ఇది కాస్త కఠినమైన వ్యాయామమే అయినప్పటికీ, శరీర బ్యాలెన్స్ పెంచడానికి ఇది చాలా ఉపయోగపడుతుంది. గ్లూట్స్కు మంచి షేప్ రావాలంటే ఇది తప్పనిసరి అని నోరా అంటోంది.
- ఎయిర్ స్క్వాట్స్: ఎటువంటి యంత్రాలు లేకుండా చేసే ఈ వ్యాయామం తొడలు, కాళ్లు, నడుము భాగాన్ని బలంగా మారుస్తుంది. పర్ఫెక్ట్ షేప్ కోరుకునే వారికి ఇది బెస్ట్ ఆప్షన్.
- డాంకీ కిక్స్: ఇది గ్లూట్స్పై నేరుగా పనిచేస్తుంది. నడుము భాగం టోన్ అవ్వడానికి, వెనుక భాగం ఆకర్షణీయంగా కనిపించడానికి ఈ వ్యాయామం చాలా అవసరం.
- హిప్ అబ్డక్షన్: ఈ వ్యాయామం కోర్ మసిల్స్ని యాక్టివ్ చేసి, లోయర్ బాడీకి మంచి స్ట్రెంత్ని ఇస్తుంది. తద్వారా బాడీ షేప్ చాలా పర్ఫెక్ట్గా కనిపిస్తుంది.
ఇవే కాకుండా నోరా స్ట్రెంత్ ట్రైనింగ్తో పాటు కార్డియో కూడా చేస్తుంది. ఎలిప్టికల్ ట్రైనర్, స్టెయిర్ క్లైంబర్ వంటి వ్యాయామాలతో తన స్టామినాను పెంచుకుంటుంది. స్టేజ్ మీద గంటల కొద్దీ ఎనర్జిటిక్ గా డ్యాన్స్ చేయాలంటే ఈ స్టామినా చాలా అవసరమని ఆమె అభిప్రాయపడుతుంది. ఆహారం విషయంలో తను మరీ కఠినంగా ఉండకపోయినా, మితంగా తింటూ ఆరోగ్యకరమైన పదార్థాలనే ఎంచుకుంటుందని నోరా వెల్లడించింది. నోరా ఫతేహీ ఫిట్నెస్ ప్రయాణం ఎంతో మంది యువతులకు స్ఫూర్తినిస్తోంది.
Fatehi Nora
వయసుతో సంబంధం లేకుండా నిత్యం వ్యాయామం చేయడం వల్ల మానసిక ప్రశాంతతతో పాటు శారీరక అందం కూడా సొంతం అవుతుందని ఆమె నిరూపించింది. అందుకే ఆమె డ్యాన్స్ వీడియోలు ఎంత వైరల్ అవుతాయో, ఆమె వర్కౌట్ వీడియోలు కూడా అంతే సెన్సేషన్ సృష్టిస్తాయి. ఏది ఏమైనా నోరా ఫతేహీ పర్ఫెక్ట్ బాడీ వెనుక ఉన్న రహస్యాలు ఇవే అన్నమాట. నోరా ఫతేహీ లాంటి ఫిట్ బాడీ కావాలని మీరు కూడా అనుకుంటున్నారా? అయితే ఆమె సూచించిన ఈ 5 వ్యాయామాలను మీ డైలీ లైఫ్లో భాగం చేసుకోండి. కేవలం డ్యాన్స్ మాత్రమే కాకుండా క్రమశిక్షణ కలిగిన వ్యాయామం మీ ఆరోగ్యాన్ని మార్చేస్తుంది.