Sridevi Shoban Babu : ‘శ్రీదేవి శోభన్ బాబు’ మూవీ నుంచి అందమైన మెలోడి సాంగ్..

Sridevi Shoban Babu: కుర్ర హీరో సంతోష్ శోభన్(, Santosh Shoban) వరుస సినిమాలతో ఫుల్ బిజీగా గడుతున్నాడు. సినిమాలు, వెబ్ సిరీస్ లతో దూసుకుపోతున్నాడు. తాజాగా మరో సినిమాతో ప్రేక్షకుల ముందుకు రావడానికి రెడీ అవుతున్నాడు. సంతోష్ శోభన్ , గౌరి జి కిషన్ హీరో హీరోయిన్లుగా నటిస్తోన్న సినిమా ‘శ్రీదేవి శోభన్ బాబు’. గోల్డ్ బాక్స్ ఎంట‌ర్‌టైన్‌మెంట్ బ్యానర్‌పై ప్ర‌శాంత్ కుమార్ దిమ్మ‌ల ద‌ర్శ‌క‌త్వంలో రూపొందుతోన్న ఈ చిత్రాన్ని మెగాస్టార్ చిరంజీవి కుమార్తె సుష్మిత కొణిదెల‌, విష్ణు ప్ర‌సాద్ నిర్మిస్తున్నారు. ఇప్పటికే విడుదలైన ఈ సినిమా పోస్టర్ లు ప్రేక్షకులను ఆకట్టుకున్నాయి. అందమైన ప్రేమ కథగా తెరకెక్కుతోన్న ఈ సినిమానుంచి తాజాగా మధురమైన పాటను రిలీజ్ చేశారు.

‘నిను చూశాక.. అంటూ సాగే మెలోడీ సాంగ్ ఇది ఈ పాటను మెగా హీరో సాయిధరమ్ తేజ్ విడుదల చేసి చిత్రయూనిట్ కు విషెస్ తెలిపారు. సంతోష్ శోభన్, గౌరి జి కిషన్ (జాను ఫేమ్) లపై పాటను చిత్రీకరించారు. కమ్రాన్ సంగీత సారథ్యం వహించిన సినిమాలో ఈ పాటకు అద్భుతమైన ట్యూన్‌ని కంపోజ్ చేశారు. రాకేందు మౌళి రాసిన ఈ పాట‌ను జునైద్ కుమార్ ఆల‌పించారు. ప్ర‌శాంత్ కుమార్ దిమ్మల ద‌ర్శ‌క‌త్వంలో రూపొందిన ‘శ్రీదేవి శోభన్ బాబు’ చిత్రం రెండు వేర్వేరు మ‌న‌స్త‌త్వాలున్న అమ్మాయి, అబ్బాయి మ‌ధ్య సాగే సంఘ‌ర్ష‌ణ‌, ప్రేమ వంటి ఎలిమెంట్స్‌ను తెలియ‌జేస్తుంది. శ‌ర‌ణ్య పొట్ల ఈ మూవీకి ఎగ్జిక్యూటివ్ ప్రొడ్యూస‌ర్‌గా వ్య‌వ‌హ‌రిస్తున్నారు. సిద్ధార్థ్ రామ‌స్వామి సినిమాటోగ్ర‌ఫీ అందించిన ఈ చిత్రానికి సుష్మిత కొణిదెల ఈ సినిమాకు కాస్ట్యూమ్స్ డిజైన‌ర్‌గానూ వ‌ర్క్ చేశారు.

మరిన్ని ఇక్కడ చదవండి : 

Happy Birthday JD Chakravarthy: పలు భాషల్లో విలక్షణ నటుడి హవా.. వరుస సినిమాలతో జేడీ చక్రవర్తి ఫుల్ బిజీ..

Avantika Mishra: గ్రీన్ ఇండియా ఛాలెంజ్‌లో పాల్గొన్న ‘వైశాఖం’ బ్యూటీ.. వైరల్ అవుతున్న ఫోటోలు

Jayamma Panchayathi: జయమ్మ పంచాయతీ ట్రైలర్ వచ్చేసింది.. అదరగొట్టిన సుమక్క..