Vijay Rashmika Marriage: హైదరాబాద్‌లో అడుగు పెట్టిన విజయ్‌-రష్మిక.. అభిమానుల ఘన స్వాగతం.. వీడియో ఇదిగో

Vijay And Rashmika

టాలీవుడ్ కొత్త జంట విజయ్‌ దేవరకొండ – రష్మిక మందన్న హైదరాబాద్‌ చేరుకున్నారు. ఉదయ్‌పూర్‌లో గ్రాండ్ వెడ్డింగ్ తర్వాత ఈ కొత్త దంపతులు శుక్రవారం (ఫిబ్రవరి 27) సాయంత్రం హైదరాబాద్ కు చేరుకున్నారు. ఫ్యామిలీతో కలిసి శంషాబాద్‌ ఎయిర్ పోర్ట్ కు వచ్చిన ఈ నవ దంపతులకు అభిమానులు ఘనంగా స్వాగతం పలికారు. ఇందుకు సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. కాగా గురువారం (ఫిబ్రవరి 26)న విజయ్- రష్మిక మందన్నాల వివాహం అట్టహాసంగా జరిగింది. రాజస్థాన్ లోని ఉదయ్ పూర్ ప్యాలెస్ వేదికగా జరిగిన ఈ వివాహ వేడుకకు ఇరు కుటుంబ సభ్యులు, స్నేహితులు, సన్నిహితులు హాజరయ్యారు. అలాగే పలువరు సినీ ప్రముఖులు హాజరై నూతన దంపతులకు అభినందనలు, శుభాకాంక్షలు తెలిపారు.

కాగా పెళ్లి తంతు పూర్తయిన తర్వాత స్వయంగా విజయ్- రష్మికలే తమ పెళ్లి వేడుకలను సోషల్ మీడియాలో షేర్ చేసుకున్నారు. దీంతో ఇప్పటికీ ఈ పెళ్లి ఫొటోలు సామాజిక మాధ్యమాల్లో తెగ ట్రెండ్ అవుతున్నాయి. కాగా మార్చ్ 04న విజయ్‌- రష్మికల వెడ్డింగ్ రిసెప్షన్ జరగనుంది. ఇందుకోసం హైదరాబాద్ లోని తాజ్ కృష్ణ హోటల్ ను వేదికగా ఎంచుకున్నారని తెలుస్తోంది. పలువురు సినీ, రాజకీయ ప్రముఖులు విజయ- రష్మికల రిసెప్షన్ కు హాజరుకానున్నారని సమాచారం.

రాజీవ్ గాంధీ విమానాశ్రయంలో విజయ్ దేవరకొండ – రష్మిక మందన్నా..

అంతకు ముందు ప్రధాని మోడీతో..

పెళ్లి తర్వాత ఇలా ..

మరిన్ని సినిమా వార్తల కోసం ఇక్కడ క్లిక్ చేయండి.