ఎమ్మెల్యేగా కనిపించనున్న నారా రోహిత్.. బాలయ్య కోసం సరికొత్తగా.. ట్విస్ట్ ఇవ్వడం కోసమేనంటా ?

‘బాణం’ సినిమాతో హీరోగా పరిచయమయ్యాడు నారా రోహిత్. ఆ తర్వాత సోలో, రౌడీ ఫెల్లో, అసుర లాంటి విభిన్న సినిమాల్లో నటించాడు. కానీ ఇప్పటివరకు సరైన హిట్ అందుకోలేకపోయాడు రోహిత్. ప్రస్తుతం నారా రోహిత్ సినిమా విషయంలో వెనకబడిపోయాడు. తాజా సమాచారం ప్రకారం నారా రోహిత్ ఎమ్మెల్యే అవతారం ఎత్తనున్నారట. రియల్ లైఫ్‏లో కాదండోయ్.. రీల్ లైఫ్‏లో.. అసలు విషయం ఎంటంటే నారా రోహిత్ ఓ సినిమాలో ఎమ్మెల్యేగా నటించబోతున్నట్లుగా సమాచారం.

నందమూరి బాలకృష్ణ, బోయపాటి శ్రీను కాంబినేషన్లో ఓ సినిమా రూపొందుతున్న సంగతి తెలిసిందే. ఇటీవలే ఈ మూవీ రిలీజ్ డేట్‏ను కూడా ప్రకటించింది చిత్రయూనిట్. లేటెస్ట్ అప్‏డేట్ ప్రకారం ఈ సినిమాలో రోహిత్ ఎమ్మెల్యేగా నటించనున్నారట. ఇందులో రోహిత్ కథను మలుపు తిప్పే పాత్రలో కనిపించనున్నట్లుగా టాక్. దీంతో ఈ సినిమాతో రోహిత్ మళ్ళీ ఫాంలోకి రావడానికి ప్లాన్ చేస్తున్నట్లుగా తెలుస్తోంది. ఇక బాలయ్య, బోయపాటి సినిమాపై అంచనాలు భారీగానే ఉన్నాయి. ఈ సినిమా కోసం అభిమానులు ఎంతగానో ఎదురుచూస్తున్నారు. ఇక ఈ మూవీలో మరో కొత్త హీరోయిన్‏ను తీసుకుంటున్నట్లుగా సమాచారం. ఈ చిత్రాన్ని మిర్యాల రవీందర్ రెడ్డి నిర్మిస్తుండగా.. ఎస్ఎస్ తమన్ సంగీతాన్ని అందిస్తున్నాడు.

Also Read:

Lucifer Movie Update: మెగాస్టార్ ‘లూసిఫర్’ సినిమా నుంచి మరో గాసిప్…హీరోయిన్ పాత్రపై స్పష్టత వచ్చేనా ?