అందంలో ఆమెను ఎవ్వరూ బీట్ చేయలేరు.. ఆ హీరోయిన్‌కు ఫిదా అయ్యానంటున్న నాని..

టాలీవుడ్ ఇండస్ట్రీలో యూత్, ఫ్యామిలీ అడియన్స్ ఎక్కువగా అభిమానించే హీరోలలో నాని ఒకరు. పక్కింటి అబ్బాయిలా కనిపిస్తూ సహజ నటనతో ప్రజల మదిని గెలుచుకున్నారు. కానీ కొన్నాళ్లుగా రూట్ మార్చిన నాని.. ఇప్పుడు విభిన్న చిత్రాలను ఎంచుకుంటున్నారు. న్యాచురల్ స్టార్ నాని ఇటీవల నటించిన లేటేస్ట్ బ్లాక్ బస్టర్ హిట్ మూవీ హిట్ 3.

Nani

Rajeev Rayala |
Updated on: May 29, 2025 | 3:53 PM

నేచురల్ స్టార్ నాని ప్రస్తుతం వరుస సినిమాలతో దూసుకుపోతున్నాడు. బ్యాక్ టు బ్యాక్ సినిమాలు చేస్తూ ఫుల్ జోష్ లో ఉన్నాడు నాని. ఓ వైపు హీరోగా సినిమాలు చేస్తూనే మరో వైపు నిర్మాతగానూ రాణిస్తున్నాడు నాని. వాల్ పోస్టర్ బ్యానర్ లో సినిమాలు నిర్మిస్తున్నారు నాని. ఇటీవలే కోర్ట్ సినిమాను నిర్మించి మంచి విజయాన్ని అందుకున్నాడు. చిన్న సినిమాగా వచ్చిన కోర్ట్ మూవీ భారీ విజయాన్ని అందుకుంది. ఈ సినిమాకు ప్రేక్షకుల నుంచి విశేష స్పందన వచ్చింది. రీసెంట్ గా నాని హిట్ 3 సినిమాతో భారీ హిట్ అందుకున్నాడు. నాని హీరోగా నటించిన హిట్ 3 సినిమా విడుదలై భారీ విజయాన్ని అందుకుంది. ఈ సినిమాకు శైలేష్ దర్శకత్వం వహించారు. నాని కెరీర్ లో బిగెస్ట్ ఓపినింగ్స్ అందుకున్న సినిమాగా నిలిచింది ఈ సినిమా..

గతంలో హిట్ ప్రాంచేజ్ లో హిట్, హిట్ 2 సినిమాలు వచ్చాయి. ఇక ఇప్పుడు ఈ సిరీస్ లో హిట్ 3 వచ్చి భారీ విజయాన్ని అందుకుంది. ఈ సినిమా ప్రమోషన్స్ లో ఫుల్ బిజీగా ఉన్నాడు నాని. ఈ సినిమాలో శ్రీనిధి శెట్టి హీరోయిన్ గా నటించింది. మొన్నామధ్య హిట్3 సినిమా ప్రమోషన్స్ లో భాగంగా ఓ ఇంటర్వ్యూలో మాట్లాడుతూ ఆసక్తికర విషయాలను పంచుకున్నారు. ఇందులో భాగంగా తన అభిమాన హీరోయిన్ గురించి చెప్పారు నాని.

ఇవి కూడా చదవండి

నాని మాట్లాడుతూ.. నాకు శ్రీదేవి అంటే చాలా ఇష్టం అని తెలిపాడు నాని. శ్రీదేవిని నేను ఎంతగానో ఆరాధించా.. శ్రీదేవి, వెంకటేష్ నటించిన క్షణక్షణం సినిమా ఎన్ని సార్లు చూశానో లెక్కేలేదు అన్నారు నాని. లక్షసార్లు చూసినా మళ్లీ చూడాలనిపించే సినిమా అది. అసలు శ్రీదేవి అంత అందంగా ఉన్నారో ఇప్పటికీ నాకు అర్ధంకావడం లేదు.. ఆ సినిమాకే శ్రీదేవి అందం తీసుకొచ్చారు అని అన్నారు. ఇక ఇప్పుడు నాని శ్రీకాంత్ ఓదెల దర్శకత్వంలో ప్యారడైజ్ అనే సినిమా చేస్తున్నాడు. ఈ సినిమాలో నాని మాస్ అవతార్ లో కనిపించనున్నాడు. ఇప్పటికే విడుదలైన ఈ సినిమా సినిమా పై అంచనాలను పెంచేసింది. అలాగే నిర్మాతగా మెగాస్టార్ చిరంజీవి సినిమాను నిర్మిస్తున్నారు. ఈ సినిమా త్వరలోనే పట్టాలెక్కనుంది.