Nandamuri Balakrishna: అనిల్ తర్వాత బాలయ్య ఆ స్టార్ దర్శకుడితో సినిమా చేస్తున్నాడా..?
అఖండ సినిమాతో నటసింహం నందమూరి బాలకృష్ణ సంచలన విజయాన్ని ఆదుకున్న విషయం తెలిసిందే. బోయపాటి శ్రీను దర్శకత్వంలో వచ్చిన అఖండ సినిమా భారీ విజయాన్ని అందుకుంది.
అఖండ సినిమాతో నటసింహం నందమూరి బాలకృష్ణ సంచలన విజయాన్ని ఆదుకున్న విషయం తెలిసిందే. బోయపాటి శ్రీను దర్శకత్వంలో వచ్చిన అఖండ సినిమా భారీ విజయాన్ని అందుకుంది. ఇక ఈ సినిమాలో బాలయ్య డ్యూయల్ రోల్ లో కనిపించి ఆకట్టుకున్నారు. ఇక ఈ సినిమా తర్వాత గోపీచంద్ మలినేని దర్శకత్వంలో సినిమా చేస్తున్నారు బాలయ్య. క్రాక్ సినిమాతో సాలిడ్ హిట్ అందుకున్న గోపీచంద్ ఇప్పుడు బాలకృష్ణ కోసం ఒక పవర్ ఫుల్ కథతో సినిమా చేస్తున్నాడు. ఇప్పటికే ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి విడుదలైన పోస్టర్లు, టీజర్ ప్రేక్షకులను విపరీతంగా ఆకట్టుకున్నాయి. ఈ సినిమా షూటింగ్ ప్రస్తుతం క్లామాక్స్ కు వచ్చేసింది. ఇక ఈ సినిమా టైటిల్ ఇదే అంటూ రకరకాల పేర్లు వినిపిస్తున్నాయి. ఈ సినిమా తర్వాత అనిల్ రావిపూడి దర్శకత్వంలో సినిమా చేస్తున్నారు బాలయ్య. అయితే ఈ సినిమా తర్వాత బాలయ్య మరో టాలెంటెడ్ డైరెక్టర్ కు గ్రీన్ సిగ్నల్ ఇచ్చారని తెలుస్తోంది.
అయితే గోపీచంద్ మలినేని తర్వాత బాలకృష్ణ అనిల్ రావిపూడితో సినిమా చేస్తున్నారు. ఇప్పటికే బాలకృష్ణ కోసం ఓ పవర్ ఫుల్ కథను రెడీ చేసే పనిలో ఉన్నాడు అనిల్. ఈ సినిమా తర్వాత దర్శకుడు బాబీతో బాలయ్య సినిమా ఉంటుందని అంటున్నారు. బాబీ ప్రస్తుతం మెగాస్టార్ చిరంజీవితో సినిమా చేస్తున్న విషయం తెలిసిందే. మెగాస్టార్ 154వ సినిమాగా రానున్న ఈ సినిమాకు వాల్తేరు వీరయ్య అనే టైటిల్ ను పరిశీలిస్తున్నారు. ఈ సినిమాలో మాస్ మహారాజ రవితేజ కూడా నటిస్తున్నాడు. ప్రస్తుతం ఈ సినిమా షూటింగ్ శరవేగంగా జరుగుతోంది.
మెగాస్టార్ సినిమా తర్వాత బాలకృష్ణ తో సినిమా చేస్తున్నాడట బాబీ. ఇప్పటికే బాలకృష్ణకు ఓ లైన్ వినిపించాడని.. అది నచ్చడంతో బాలకృష్ణ ఓకే చెప్పారని టాక్. గతంలో యంగ్ టైగర్ ఎన్టీఆర్ తో బాబీ జై లవకుశ సినిమా చేసిన విషయం తెలిసిందే. ఈ సినిమాలో తారక్ మూడు పాత్రల్లో మెప్పించారు. ఇక ఇప్పుడు బాలయ్యతో బాబీ సినిమా అంటూ వార్తలు రావడంతో నందమూరి అభిమానుల్లో ఆసక్తి నెలకొంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.