Balakrishna: టాటా ఐపీఎల్ కోసం రంగంలోకి నటసింహం.. తనదైన స్టైల్లో బాలయ్య కామెంట్రీ
టాటా ఐపీల్ కోసం కామెంటేటర్ అవబోతున్నారు నట సింహం. ఈ విషయాన్ని స్టార్ స్పోర్ట్స్ స్వయంగా ప్రకటించింది. ఇండియన్ ప్రీమియర్ లీగ్ తొలిరోజు బాలకృష్ణ కామెంటరీ ఉండనుందని తెలిపింది.
నటసింహం నందమూరి బాలకృష్ణ బ్యాక్ టు బ్యాక్ హిట్స్ తో దూసుకుపోతున్నారు. రీసెంట్ గా గోపీచంద్ మలినేని దర్శకత్వంలో వీరసింహారెడ్డి సినిమాతో హిట్ అందుకున్నారు. ఈ సినిమా తర్వాత ఇప్పుడు అనిల్ రావిపూడి దర్శకత్వంలో సినిమా చేస్తున్నారు. ఈ సినిమా ఇటీవలే పూజాకార్యక్రమాలతో మొదలైంది. ఈ సినిమాలో బాలకృష్ణ అదిరిపోయే లుక్ లో కనిపించనున్నాడు. ఇటీవలే ఉగాది పండగ సందర్భంగా బాలకృష్ణ లుక్ ను రిలీజ్ చేశారు. ఈ లుక్ లో బాలయ్య అదిరిపోయారు. ఇక ఈ సినిమాలో కాజల్ అగర్వాల్ హీరోయిన్ గా నటిస్తోంది. అలాగే ఈ సినిమాలో లేటేస్ట్ సెన్సేషన్ శ్రీలీల కూడా నటిస్తోంది. ఈ సినిమాలో శ్రీలీల బాలయ్య కూతురిగా నటిస్తోందని టాక్. ఇక ఈ సినిమాలో అనిల్ రావిపూడి తన మార్క్ కామెడీ తో పాటు.. యాక్షన్ కూడా ఉంటుందని తెలుస్తోంది.
ఇదిలా ఉంటే టాటా ఐపీల్ కోసం కామెంటేటర్ అవబోతున్నారు నట సింహం. ఈ విషయాన్ని స్టార్ స్పోర్ట్స్ స్వయంగా ప్రకటించింది. ఇండియన్ ప్రీమియర్ లీగ్ తొలిరోజు బాలకృష్ణ కామెంటరీ ఉండనుందని తెలిపింది. ఇక ఇందుకు సంబంధించిన ఫోటోలు సోషల్ మీడియాలో వైరల్ గా మారాయి. మార్చి 31వ తేదీన ప్రారంభమవబోతున్న ఐపీఎల్ తొలిరోజు బాలయ్య కామెంట్రీ ఉండనుంది.
ఇక బాలకృష్ణ ప్రముఖ ఓటీటీ సంస్థ ఆహా కోసం టాక్ షో హోస్ట్ చేస్తోన్న విషయం తెలిసిందే. ఇప్పటికే రెండు సీజన్స్ ను సక్సెస్ ఫుల్ గా పూర్తి చేసుకుంది ఈ టాక్ షో.