Nagababu: ఆ సమయంలో ఆత్మహత్య ఆలోచనలు వచ్చాయ్.. అండగా నిలబడింది ఆ ఇద్దరే..
ఆరెంజ్ సినిమా నిర్మాణంలో ఎదురైన ఆర్థిక నష్టాలపై నటుడు నాగబాబు ఓ సందర్భంలో కీలక విషయాలు వెల్లడించారు. ఈ చిత్రం ద్వారా తాను భారీగా నష్టపోయానని, జీవితకాల సంపాదన కోల్పోయానని పేర్కొన్నారు. నమ్మినవారే మోసం చేశారని, తన తప్పు కూడా ఉందని వివరించారు. ఆర్థిక కష్టాల్లో అన్నదమ్ములు ఆదుకున్నారని తెలిపారు.
ఆరెంజ్ సినిమా నిర్మాణంలో ఎదురైన ఆర్థిక నష్టాలపై నటుడు, నిర్మాత, జనసేన ఎమ్మెల్సీ నాగబాబు ఓ సందర్భంలో క్లారిటీ ఇచ్చారు. ఈ చిత్రం కారణంగా తాను భారీగా నష్టపోయానని, జీవితకాల సంపాదన కోల్పోయానని తెలిపారు. తాను నమ్మిన వ్యక్తులే మోసం చేశారని, వెన్నుపోటు పొడిచారని ఆయన తీవ్ర ఆరోపణలు చేశారు. అయితే, ఈ నష్టాలకు తన తప్పు కూడా ఉందని నాగబాబు అంగీకరించారు. సినిమాకు వచ్చిన నష్టాల కంటే, నమ్మకద్రోహం వల్ల జరిగిన నష్టం భయంకరంగా ఉందని ఆయన వివరించారు. ఈ పరిణామాలతో రాత్రికి రాత్రే తాను ఆర్థికంగా పూర్తిగా పడిపోయానని పేర్కొన్నారు. అప్పటివరకు పోగు చేసుకున్న సంపద మొత్తం పోవడమే కాకుండా, ఆస్తులు అమ్ముకున్నా కూడా కట్టలేని అప్పుల్లో కూరుకుపోయానని ఆయన చెప్పారు. ఆ సమయంలో ఆత్మహత్య ఆలోచనలు వచ్చాయని.. తీవ్రమైన డిప్రెషన్కు లోనైనట్లు వెల్లడించారు. ఈ కష్టకాలంలో తన అన్నదమ్ములు చిరంజీవి, పవన్ కల్యాణ్ అండగా నిలిచి ఆదుకున్నారని.. అప్పులు సెటిల్ చేశారని నాగబాబు గుర్తుచేసుకున్నారు. ఆ సినిమాకు రామ్ చరణ్కు సగం మాత్రమే రెమ్యూనరేషన్ ఇచ్చానని.. మిగిలిన సగం ఇవ్వలేదన్న రిగ్రెట్ తనకెప్పుడూ ఉంటుందని నాగబాబు చెప్పారు. ఎప్పటికైనా ఆ అమౌంట్ సెటిల్ చేస్తానని నాగబాబు వ్యాఖ్యానించారు. తాను నాన్-వెజ్, లిక్కర్ తీసుకోవడం మానేశానని.. అంత డిప్రెషన్లోనూ తాను తిరిగి వాటి జోలికి వెళ్లకుండా నిబద్ధతతో ఉన్నట్లు వెల్లడించారు. ఒక నిర్మాతగా తన అనుభవాలను పంచుకుంటూ, ఆరెంజ్ సినిమా తన జీవితంలో ఒక చేదు అనుభవంగా మిగిలిందని పేర్కొన్నారు.
Also Read: మీ ఇంటికొచ్చే ప్యాకెట్ పాలు ఎలా తయారవుతాయో తెలుసా..?