‘చై’ బర్త్‌డే గిఫ్ట్ వచ్చేసింది..! చీపురు పట్టుకుని..!

ఈ రోజు ‘నాగ చైతన్య బర్త్ డే’ సందర్భంగా.. అతను నటిస్తోన్న సినిమాలోని ఓ చిన్న వీడియోను విడుదల చేసింది చిత్రబృందం. తాజాగా.. మజిలీ సినిమాతో హిట్ అందుకున్న.. చైతన్య.. శేఖర్ కమ్ముల దర్శకత్వంలో ఓ సినిమా చేస్తున్నాడు. చైతన్య 19వ సినిమా కాబట్టి ‘ఎన్‌సీ 19’ అని టైటిల్ పెట్టి వీడియోను రిలీజ్ చేశారు. ఇందులో సాయి పల్లవి హీరోయిన్‌గా నటిస్తోంది. తెలంగాణ నేపథ్యంలో రొమాంటిక్ డ్రామాగా ఈ చిత్రాన్ని తెరకెక్కిస్తున్నారు శేఖర్ కమ్ముల. దాదాపు ఈ సినిమా షూటింగ్ తుది దశకు చేరుకుంది.

‘ఆ వీడియోలో.. చైతు ఎంతో అసహనంగా.. సాడ్ బ్యాగ్రౌండ్ మ్యూజిక్‌లో.. చీపురు పట్టుకుని తుడుస్తూ ఉంటాడు. దాదాపు ఈ చిన్న వీడియోలో చై అన్ని ఎమోషన్స్‌ని చూపించారు. బాధ, దుఖం, సంతోషం అన్ని కనిపించాయి. వీడియో చివరలో హ్యాపీ బర్త్‌ డే చై అంటూ చిత్ర బృందం’ విషెస్ తెలిపింది.