Chiranjeevi Acharya Movie : రెజీనాకు ‘ సానా కష్టం వచ్చిందంటున్న’ చిరు.. అదిరిపోయిన సాంగ్ ప్రోమో..
Acharya: మెగాస్టార్ చిరంజీవి కొరటాల శివ దర్శకత్వంలో నటిస్తున్న సినిమా ఆచార్య. ఈ సినిమా కోసం మెగా అభిమానులంతా వేయి కళ్లతో ఎదురుచూస్తున్నారు.
Acharya: మెగాస్టార్ చిరంజీవి కొరటాల శివ దర్శకత్వంలో నటిస్తున్న సినిమా ఆచార్య. ఈ సినిమా కోసం మెగా అభిమానులంతా వేయి కళ్లతో ఎదురుచూస్తున్నారు. ఇందులో కాజల్ హీరోయిన్గా నటిస్తుండగా.. మెగా పవర్ స్టార్ రామ్ చరణ్, పూజా హెగ్డే కీలకపాత్రలలో నటించారు. ఇప్పటికే షూటింగ్ పూర్తిచేసుకున్న ఈ సినిమా వచ్చే ఏడాది ఫిబ్రవరి 4న ప్రేక్షకుల ముందుకు రాబోతుంది. ఇదిలా ఉంటే.. చాలా రోజుల తర్వాత ఆచార్య ప్రేక్షకులకు న్యూఇయర్ స్పెషల్ గిఫ్ట్ ఇచ్చేసింది చిత్రయూనిట్. ఈ సినిమాలో మాస్ మసాలా సాంగ్ కూడా ఉండనుంది. తాజాగా ఈ సాంగ్ ప్రోమోను విడుదల చేశారు మేకర్స్.
చానా కష్టం వచ్చిందే మందాకినీ అంటూ సాగే స్పెషల్ సాంగ్ ప్రోమోను రిలీజ్ చేశారు చిత్రయూనిట్. ఈ పాటలో అందాల భామ రెజీనా కాసాండ్రా మెగాస్టార్ తో కలిసి స్టెప్పులేయనుంది. ఇక ఈ పాటలో ఎప్పటిలానే మెగాస్టార్ తనదైన గ్రేస్ తో అదరగొట్టారు.. ఇక ఈ సినిమాలో మెగా పవర్ స్టార్ రామ్ చరణ్ కూడా ఈ సినిమాలో నటిస్తున్నాడు. శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్స్ బ్యానర్లపై నిరంజన్ రెడ్డి, అన్వేష్ రెడ్డి నిర్మిస్తున్న ఈ సినిమాపై అంచనాలు భారీగానే ఉన్నాయి. ప్రస్తుతం నిర్మాణాంతర పనులు జరుపుకుంటున్న ఈ మూవీ త్వరలోనే ప్రేక్షకుల ముందుకు రానుంది. ఇదిలా ఉంటే.. చిరంజీవి ప్రస్తుతం గాడ్ ఫాదర్, భోళా శంకర్ సినిమాల్లో నటిస్తున్నాడు.
మరిన్ని ఇక్కడ చదవండి :