Manchu Manoj: ప్రాణహాని ఉంది.. ఒకరిపై ఒకరు ఫిర్యాదు చేసుకున్న మంచు మనోజ్, మోహన్ బాబు

మంచువారింట్లో గొడవలు మంటలు రేపుతున్నాయి. మోహన్‌బాబు కుమారులు మంచు విష్ణు-మంచు మనోజ్ మధ్య గొడవలు ముదిరాయి. ఆస్తుల పంపకాల సందర్భంగా మంచువారింట్లో గొడవలు జరిగాయన్న వార్తలను కొట్టిపారేశారు మోహన్ బాబు.

Manchu Family Fight

Rajeev Rayala |

Updated on: Dec 09, 2024 | 8:59 PM

మంచు విష్ణు వర్సెస్ మంచు మనోజ్‌.. మంచు ఫ్యామిలీలో ఫైటింగ్‌ జరుగుతున్న విషయం తెలిసిందే. అన్నదమ్ముల మధ్య గొడవ రోజు రోజుకు ముదురుతోంది. మోహన్‌బాబు ఇంటికి పోటాపోటీగా బౌన్సర్లను దింపారు మంచు విష్ణు, మంచు మనోజ్‌. అన్నదమ్ముల మధ్య గతంలోనూ గొడవలు జరిగాయి. మోహన్ బాబు ఇంటి చుట్టూ విష్ణు 40 మంది బౌన్సర్లను పెడితే.. మనోజ్‌ 30 మంది బౌన్సర్లను దింపాడు. ఇక తాజాగా మంచు మనోజ్ పోలీసులను ఆశ్రయించారు. పహాడీ షరీఫ్‌ పోలీస్‌ స్టేషన్‌కు వెళ్లారు మంచు మనోజ్‌. తన పై జరిగిన దాడిపై పోలీసులకు మనోజ్‌ ఫిర్యాదు చేశారు. గుర్తు తెలియని వ్యక్తులు తన పై దాడి చేశారని పోలీసులకు మంచు మనోజ్ కంప్లైంట్‌ చేశారు. మనోజ్‌ ఫిర్యాదులో కుటుంబ సభ్యుల పేర్లు లేవని, తనకు ప్రాణహాని ఉందని ఫిర్యాదు చేశారని పోలీసులు తెలిపారు. త్వరలో మనోజ్ స్టేట్‌మెంట్‌ రికార్డ్ చేస్తామని పోలీసులు తెలిపారు. ఇదిలా ఉంటే మంచు మనోజ్ పై మోహన్ బాబు ఫిర్యాదు. చేశారు. రాచకొండ పోలీష్ కమీషనర్ కు లేఖ రాసారు మోహన్ బాబు. తనకు మనోజ్ నుంచి ముప్పు ఉందని.. రక్షణ కావాలని కోరారు మోహన్ బాబు

ఇది కూడా చదవండి : Tollywood : 14ఏళ్లకే ఎంట్రీ ఇచ్చింది.. ఇప్పుడు మూడు నిమిషాల పాటకు రూ. 2కోట్లు అందుకుంటుంది..

ఆదివారం రోజున మంచు మనోజ్‌ గాయాలపాలయ్యారు. అయితే మనోజ్‌ను ఎవరు కొట్టారు? ఎందుకు కొట్టారన్నది బయటకు రాలేదు. మెడికో లీగల్ రిపోర్ట్‌లో మంచు మనోజ్ ఒంటిపై గాయాలున్నట్టు తేల్చారు వైద్యులు. వెన్నుముక, మెడపైనా గాయాలైనట్లు రిపోర్ట్‌ ఇచ్చారు. మంచు లక్ష్మి మనోజ్‌ ఇంటికి వెళ్లారు. ఆయనను పరామర్శించారు.

ఇది కూడా చదవండి :మహేష్ బాబుతో ఉన్న ఈ చిన్నారి ఇప్పుడు కుర్రాళ్ళ హాట్ ఫేవరేట్.. చూస్తే ప్రేమలోపడిపోవాల్సిందే

మంచు విష్ణుకు మంచు మనోజ్‌కు మధ్య గతంలోనూ గొడవలు జరిగాయి. అన్నదమ్ముల సవాళ్లు అప్పట్లో చర్చనీయాంశమయ్యాయి. ఇప్పుడు అన్నదమ్ములిద్దరూ పోటీపడి బౌన్సర్లను తెచ్చుకోవడంతో అసలు మంచు ఇంట్లో మంటలకు కారణమేంటన్నది టాలీవుడ్‌లో హాట్‌టాపిక్‌గా మారింది.

ఇవి కూడా చదవండి