Krithi Shetty : ఉప్పెనంత క్రేజ్ తెచ్చుకున్న అందాల కృతి .. ఆ హీరో సినిమాకి రెమ్యునరేషన్ పెంచేసిందట..

ఉప్పెన సినిమాతో కుర్రాళ్ళ మనసులో చెరగని ముద్ర వేసింది బెంగుళూరు బ్యూటీ కృతిశెట్టి. ఒక్క సినిమాతోనే తెలుగు ప్రేక్షకుల్లో ఫుల్ క్రేజ్ ను సొంతం చేసుకుంది ఈ చిన్నది. బుచ్చిబాబు సాన దర్శకత్వంలో...

Krithi Shetty

Rajeev Rayala |
Updated on: Jul 21, 2021 | 7:48 AM

Krithi Shetty : ఉప్పెన సినిమాతో కుర్రాళ్ళ మనసులో చెరగని ముద్ర వేసింది మంగళూరు బ్యూటీ కృతిశెట్టి. ఒక్క సినిమాతోనే తెలుగు ప్రేక్షకుల్లో ఫుల్ క్రేజ్ ను సొంతం చేసుకుంది ఈ చిన్నది. బుచ్చిబాబు సాన దర్శకత్వంలో తెరకెక్కిన ఉప్పెన సినిమా సంచలన విజయం సాధించిన విషయం తెలిసిందే. ఈ సినిమాతో వైష్ణవ్ తేజ్ హీరోగా పరిచయం అయ్యాడు. అందమైన ప్రేమకథగా తెరకెక్కిన ఈ సినిమా మంచి విజయాన్ని సాధించడమే కాదు.. వసూళ్లను కూడా భారీగానే రాబట్టింది. ఈ సినిమా తర్వాత కృతికు తెలుగులో వరుస ఆఫర్లు క్యూ కట్టాయి. ఇప్పటికే నాని నటిస్తున్న శ్యామ్ సింగరాయ్ సినిమాలో నటిస్తోంది. అలాగే యంగ్ హీరో సుధీర్ బాబు- ఇంద్రగంటి మోహన్ కృష్ణ కాంబినేషన్లో రాబోతున్న సినిమాలోనూ ఈ కుర్రది ఎంపికైందని తెలుస్తుంది. ఇక ఎనర్జిటిక్ హీరో రామ్ పోతినేని- లింగు స్వామి సినిమాలో హీరోయిన్ గా చేస్తుంది కృతి శెట్టి. ఇలా వరుస సినిమాలతో బిజీగా ఉన్న ఈ బ్యూటీ ఇప్పుడు మరో క్రేజీ ఆఫర్ ను దక్కించుకుందని తెలుస్తోంది.

కింగ్ నాగార్జున హీరోగా తెరకెక్కనున్న బంగార్రాజు సినిమాలో కృతికి ఛాన్స్ వచ్చిందని టాక్. కళ్యాణ్ కృష్ణ దర్శకత్వంలో తెరకెక్కుతోన్న ఈ సినిమాలో అక్కినేని యంగ్ హీరో నాగచైతన్య కూడా నటిస్తున్నారు. చైతూకి జోడీగా కృతి శెట్టిని ఎంపిక చేశారట. ఈ సినిమాకి గాను ఈ చిన్నది తన రెమ్యునరేషన్ పెంచిందని తెలుస్తోంది. నిన్నటి వరకు 50 లక్షల వరకు తీసుకున్న ఈ ముద్దుగుమ్మ ఇప్పుడు ఈ సినిమాకోసం 75 లక్షలు ఛార్జ్ చేస్తోందట. ఉప్పెనంత క్రేజ్ తెచ్చుకున్న కృతి ఆ మాత్రం రెమ్యునరేషన్ పెంచడంలో తప్పేలేదంటున్నారు ఈ అమ్మడి అభిమానులు.

మరిన్ని ఇక్కడ చదవండి :