బ్యాడ్ లక్ అంటే ఆ హీరోదే.. రాజా ది గ్రేట్ సినిమాను ఎలా మిస్ చేసుకున్నావ్ భయ్యా..!

మాస్ మహారాజ రవితేజ హిట్ కోసం చాలా కష్టపడుతున్నారు. రీసెంట్ గా వచ్చిన మిస్టర్ బచ్చన్ సినిమా కూడా ఆడియన్స్ ను నిరాశపరిచింది. దాంతో రవితేజ నుంచి సాలిడ్ హిట్ కోసం ఎదురుచూస్తున్నారు అభిమానులు. కాగా రవితేజ నటించినా సినిమాల్లో సూపర్ హిట్ గా నిలిచిన సినిమా రాజా ది గ్రేట్..

Raja The Great

Updated on: Oct 16, 2024 | 5:49 PM

మాస్ మహారాజ్ రవితేజ హీరోగా నటించిన సినిమాల్లో ఆల్ టైం సూపర్ హిట్ మూవీ ఏది అంటే చెప్పే సినిమాల్లో రాజా ది గ్రేట్ సినిమా ఒకటి. టాలీవుడ్ సక్సెస్ ఫుల్ దర్శకుడు అనిల్ రావిపూడి దర్శకత్వంలో తెరకెక్కిన ఈ సినిమా మంచి విజయాన్ని అందుకుంది. ఈ సినిమాలో రవితేజ అంధుడి పాత్రలో నటించాడు. ఈ సినిమా అద్భుతంగా నటించి మెప్పించారు. ఈ మూవీలో రవితేజ సరసన మెహరీన్ హీరోయిన్ గా నటించింది. అలాగే ప్రకాష్ రాజ్, రాధిక ముఖ్యపాత్రలు పోషించారు. ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్ రాజు నిర్మించాడు. సాయి కార్తీక్ సంగీతం అందించాడు. ఈ సినిమా తర్వాత రవితేజ ఆ రేంజ్ హిట్ అందుకోలేకపోయారు. ఇదిలా ఉంటే రాజా ది గ్రేట్ సినిమాకు ముందుకుగా మరో హీరోను అనుకున్నాడట దర్శకుడు అనిల్.

ఇది కూడా చదవండి : వాయమ్మో..! చెట్టెక్కిన చింతామణి.. ఈ టాలీవుడ్ బ్యూటీ ఎవరో గుర్తుపట్టారా.?

గతంలో ఓ ఇంటర్వ్యూలో అనిల్ రావిపూడి మాట్లాడుతూ ఆసక్తికర విషయాలను పంచుకున్నారు.. రాజా ది గ్రేట్ సినిమాకు రవితేజ కంటే ముందు మరో హీరోను అనుకున్నారట. ఆ హీరో ఎవరో కాదు టాలీవుడ్ యంగ్ హీరో రామ్ పోతినేని. దీని గురించి అనిల్ మాట్లాడుతూ.. రాజా ది గ్రేట్ సినిమాకు ముందుగా రామ్ ను హీరోగా అనుకున్నాం అని అన్నారు.

ఇది కూడా చదవండి :Chatrapathi: సూరీడు.. ఓ సూరీడూ.. ఇంతలా మారిపోయావేందయ్యా..!

రాజా ది గ్రేట్ ఫస్ట్ వర్షన్ కథ వేరు.. అదొక లవ్ స్టోరీ.. ఇప్పుడున్న సినిమాలో ఓ అమ్మాయిని కాపాడే బ్లైండ్ కుర్రాడి కథ. కానీ ముందుగా అనుకున్న దాంట్లో ఓ లవ్ స్టోరీ ఉంటుంది. ఓ చిన్న హిందీ సినిమాలా అనుకున్నాం. డార్జిలింగ్ లో స్టార్ అయ్యే ప్రేమ కథ అందులో కూడా హీరో బ్లైండ్. ఓ అమ్మాయితో లవ్ లో పడ్డ తర్వాత ఆ అమ్మాయికి ఎదో ప్రాబ్లెమ్ వస్తే అతను అది ఎలా సాల్వ్ చేశాడు అనేది కథ. కానీ కొన్ని టెక్నీకల్ ఇష్యుస్ వల్ల ఆ ప్రాజెక్ట్ ఆపేయాల్సి వచ్చింది. ప్రొడక్షన్ విషయంలో కన్ఫ్యూజన్ లో పడి అది సెట్ కాలేదు. అది సెట్ అయ్యేలోగా రామ్ హైపర్ సినిమా రిలీజ్ అయ్యింది. మళ్లీ వెంటనే కమర్షియల్ సినిమా చేయడానికి రామ్ ఆలోచించాడు అని చెప్పుకొచ్చారు అనిల్ రావిపూడి.