Hitler: ఓర్నీ.. హిట్లర్ మూవీలో చిరుకి సోదరిగా నటించిన ఈమె ఇప్పుడెలా ఉందో చూస్తే స్టన్

ఒకప్పటి నటీనటులు ఇప్పుడు ఎలా ఉన్నారు.. వారు ఏం చేస్తున్నారు...? అనే వివరాలు తెలుసుకునేందుకు నెటిజన్స్ బాగా ఆసక్తి కనబరుస్తున్నారు. హిట్లర్ సినిమా గుర్తుందా..? ఇందులో చిరంజీవికి ఐదుగురు చెల్లెళ్లలో ఒకరిగా నటించిన రుద్ర మీకు గుర్తు ఉందా..?.

Chiranjeevi Rudra

Ram Naramaneni |
Updated on: Apr 14, 2024 | 11:42 AM

మెగాస్టార్ చిరంజీవి నటించిన హిట్లర్ సినిమా గుర్తుందా..? చిరు ఫ్యాన్స్‌కి అయితే ఈ మూవీ చాలా ఇష్టం. ఎందుకంటే అప్పుడు పలు ప్లాఫ్స్ తర్వాత వచ్చిన ఈ సినిమాతో చిరంజీవి బ్లాక్ బాస్టర్ హిట్ కొట్టారు. ముత్యాల సుబ్బయ్య దర్శకత్వంలో వచ్చిన ఈ చిత్రం.. అప్పట్లో బాక్సాఫీస్‌ వద్ద దుమ్ములేపింది. అన్నా చెల్లెల్ల ఎమోషన్ ఓ రేంజ్‌లో వర్కువుట్ అయింది. ఫ్యామిలీ ఆడియెన్స్ సినిమాను బాగా ఆదరించారు. ఇందులో చిరంజీవికి ఐదుగురు చెల్లెళ్లు ఉంటారు. అందులో ఒకరిగా నటించిన రుద్ర మీకు గుర్తు ఉందా..?. పైన ఫోటోలో చిరంజీవి పక్కన ఉన్నది ఆమే. రుద్రను అశ్విని అని కూడా పిలుస్తారు. ఈ సినిమాలో ఆమెకు చాలా మంచి సన్నివేశాలు ఉంటాయి. పెళ్లై భార్యను కోల్పోయిన వ్యక్తి.. ఒక బలహీన క్షణంలో ఆమెను చెరబడతాడు. ఆపై అతడితోనే లైఫ్ పంచుకుంటుంది.

తెలుగు, తమిళం, మలయాళ భాషల్లో సినిమాలు చేసింది రుద్ర. చాలా తక్కువ చిత్రాలే చేసినప్పటికీ మంచి పాత్రల్లో నటించింది. రుద్ర భారతీరాజా డైరెక్ట్ చేసిన వహించిన పుదు నెల్లు పుదు నాతు అనే తమిళ మూవీ ద్వారా ఆమె చిత్రసీమలోకి ప్రవేశించింది. ఆమె మలయాళంలో దాదాపు 16 మూవీస్‌లో యాక్ట్ చేసింది. అక్కడ ఈమెకు అభిమానుల ఫాలోయింగ్ కూడా ఎక్కవే. తెలుగులో హిట్లర్, పెళ్లి చేసుకుందాం, పోలీసు సినిమాల్లో మాత్రమే నటించింది. తమిళంలో చాలా ధారావాహికల్లో కూడా నటించింది. ప్రస్తుతం సింగపూర్‌లో నివాసముంటున్న రుద్ర.. అక్కడి సీరియల్స్‌లో నటిస్తోంది.

కాగా రుద్ర 46 ఏళ్ల వయస్సులోనూ ఆమె అంతే ఛార్మ్‌గా కనిపిస్తుండటం విశేషం. ప్రజంట్ ఆమె ఫోటోలు చూసినవారు.. అరె.. కొంచెం కూడా ఛేంజ్ లేదు అని ఆశ్చర్యపోతున్నారు. ఆ గ్లామర్ సీక్రెట్ ఏంటో మాక్కూడా.. టిప్స్ ఇవ్వొచ్చుగా అని కామెంట్స్ పెడుతున్నారు.