Rambha Daughter: బాబోయ్.. రంభ కూతురు ఇంతందంగా ఉందేంటీ ?.. హాలీవుడ్, టాలీవుడ్ మిక్సైన బ్యూటీ..

Ramba

మూడు దశాబ్దాల క్రితం ‘ఆ ఒక్కటి అడక్కు’ సినిమాతో తెలుగు తెరకు నటిగా పరిచయమైంది రంభ. తొలి సినిమాతోనే హీరోయిన్‏గా క్రేజ్ సంపాదించుకుంది. దీంతో టాలీవుడ్ ఇండస్ట్రీలో వరుస అవకాశాలు అందుకుంది. అతి తక్కువ సమయంలోనే స్టార్ హీరోల సరసన ఛాన్స్ కొట్టేసింది. సూపర్ స్టార్ కృష్ణ, మెగాస్టార్ చిరంజీవి, వెంకటేష్, నాగార్జున , బాలకృష్ణ ఇలా స్టార్ హీరోలందరితో నటించి ప్రశంసలు అందుకుంది. 90వ దశకంలో బ్యాక్ టూ బ్యాక్ సినిమాలో స్టార్ హీరోయిన్‏గా ఓ వెలుగు వెలిగింది రంభ. తెలుగులోనే కాకుండా తమిళం, మలయాళం, కన్నడ, హిందీ.. ఇలా అన్ని భాషల్లో కలిపి మొత్తం 100 కు పైగా సినిమాల్లో నటించింది. హీరోయిన్‏గానే కాదు.. అనేక సినిమాల్లో స్పెషల్ సాంగ్స్ చేసి అలరించింది. తెలుగులో చివరిసారిగా అల్లు అర్జున్ నటించి దేశ ముదురు సినిమాలో స్పెషల్ సాంగ్ చేసింది. ఇక ఆ తర్వాత కెనడాకు చెందిన వ్యాపారవేత్త ఇంద్రకుమార్ ను వివాహం చేసుకుంది.

పెళ్లి తర్వాత సినిమాలకు పూర్తిగా దూరమైంది రంభ. వీరికి ఇద్దరు కూతుళ్లు, ఒక కొడుకు ఉన్నారు. ప్రస్తుతం వీరు కెనడాలో నివసిస్తున్నారు. చాలా కాలంగా సినిమాలకు దూరంగా ఉంటున్న రంభ.. సోషల్ మీడియాలో మాత్రం చాలా చురుకుగా ఉంటుంది. ఫ్యామిలీ ఫోటోస్ షేర్ చేస్తుంటుంది. అలాగే తన సినిమాలు.. ఇండస్ట్రీలోని స్నేహితులకు సంబంధించిన స్పెషల్ డేస్ గురించి పోస్టులు పెడుతుంటుంది. ఈ క్రమంలోనే తాజాగా తన పెద్ద కూతురుతో కలిసి దిగిన ఫోటోలను షేర్ చేసింది.

తన పెద్ద కూతురుతో కలిసి దిగిన ఫోటోలను సోషల్ మీడియాలో పోస్ట్ చేస్తూ ‘మై ఏంజిల్’ అంటూ రాసుకొచ్చింది. ప్రస్తుతం రంభ షేర్ చేసిన ఫోటోస్ నెట్టింట వైరలవుతున్నాయి. అయితే రంభ కూతురుని చూసి ఆశ్చర్యపోతున్నారు నెటిజన్స్. తను అచ్చం వాళ్ల అమ్మలాగే ఉందని.. జూనియర్ రంభ, క్యూట్ లిటిల్ ప్రిన్సెస్.. తను ఎంతో అందంగా ఉందంటూ కామెంట్స్ చేస్తున్నారు. ప్రస్తుతం రంభ షేర్ చేసిన ఫోటోస్ వైరలవుతున్నాయి.

మరిన్ని సినిమా వార్తల కోసం ఇక్కడ క్లిక్ చేయండి.