KGF Chapter2: విడుదలకు ముందే రికార్డులు మొదలు పెట్టిన కేజీఎఫ్ 2… సినిమా కోసం ఆసక్తిగా ఎదురుచూస్తున్న ఫ్యాన్స్..
కేజీఎఫ్ సినిమాతో కన్నడ బాషలోనే కాదు అన్ని భాషల్లోనూ సంచలన విజయాన్ని సొంతం చేసుకుంది. ఈ సినిమాతో రాక్ స్టార్ యశ్ ఓవర్ నైట్ లోనే పాన్ ఇండియా స్టార్ అయ్యాడు.
చిత్రీకరణ పూర్తి చేసుకున్న ఈ సినిమాని జులై 16న ప్రపంచవ్యాప్తంగా విడుదల చేయనున్నట్లు చిత్ర బృందం ప్రకటించింది. ఇదిలా ఉంటే యశ్ తో పాటు ఈ సినిమాలో పలువురు ప్రముక బాలీవుడ్ స్టార్స్ నటిస్తున్న విషయం తెల్సిందే. ఇప్పటికే విడుదలైన టీజర్ సినిమా పై అంచనాలను పెంచేసింది. ఇక ఈ సినిమాలో కీలకమైన అధీరా పాత్రలో బాలీవుడ్ స్టార్ సంజయ్ దత్ నటిస్తున్న విషయం తెల్సిందే. అయితే అత్యంత క్రూరమైన పాత్ర అధీరాగా సంజయ్ దత్ కనిపించబోతున్నాడు. ఈ సినిమా లో ఓ భారీ ట్వీట్ ఉండనుందట.. అదేంటంటే క్లైమాక్స్ లో హీరో పాత్ర చనిపోతే విలన్ అధీరా హీరోగా మారుతాడని జోరుగా ప్రచారం జరుగుతుంది. ఇక అప్పుడే ‘బుక్ మై షో’ లో 300K మందికి పైగా ఈ మూవీపై ఇంట్రెస్ట్ చూపిస్తున్నారు. ఇది ఇండియాలోనే ఏ సినిమాకు రాని రెస్పాన్స్ అని తెలుస్తోంది. మరి ఈ సినిమా ఏ రేంజ్ లో ఆకట్టుకుంటుందో చూడాలి.
మరిన్ని ఇక్కడ చదవండి :