KGF 2 Yash: కేజీఎఫ్ 3 గురించి ఆసక్తికర విషయాలు చెప్పిన రాఖీభాయ్.. సెకండ్ పార్ట్‏కు మించి ఉంటుందని..

కేజీఎఫ్ 2 (KGF 2) బాక్సాఫీస్ వద్ద రికార్డ్ స్థాయిలో వసూళ్లు రాబడుతోంది. డైరెక్టర్ ప్రశాంత్ నీల్, రాకింగ్ స్టార్ యశ్ కాంబోలో వచ్చిన ఈ మూవీ ప్రపంచవ్యాప్తంగా కలెక్షన్ల సునామి సృష్టిస్తోంది. ఈ ఏడాదిలో ఇప్పటివరకు అత్యథిక వసూళ్లు సాధించిన చిత్రంగా కేజీఎఫ్ 2 నిలిచింది. సౌత్‏లోనే కాకుండా నార్త్‏లోనూ ఈ మూవీకి అద్భుతమైన రెస్పాన్స్ వస్తోంది. డైరెక్టర్ స్క్రీన్ ప్లే, యశ్ టెరిఫిక్ నటనకు దేశవ్యాప్తంగా ప్రేక్షకులు ఫిదా అయ్యారు. అయితే కేజీఎఫ్ 2 చిత్రానికి కొనసాగింపుగా కేజీఎఫ్ 3 ఉంటుందని గత కొద్దిరోజులుగా వార్తలు వినిపిస్తున్న సంగతి తెలిసిందే. ఇదే విషయాన్ని గత ఇంటర్వ్యూలలో డైరెక్టర్ ప్రశాంత్ నీల్‏ను అడగ్గా.. ప్రస్తుతానికీ తాను కేజీఎఫ్ 3 గురించి ఏం ఆలోచించడం లేదని చెప్పుకొచ్చారు. తాజాగా ఓ ఇంటర్వ్యూలో పాల్గోన్న యశ్ కేజీఎఫ్ 3 గురించి పలు ఆసక్తికర విషయాలను చెప్పుకొచ్చాడు.

యశ్ మాట్లాడుతూ.. “కేజీఎఫ్ 2 కోసం నేను.. ప్రశాంత్ నీల్ కొన్ని సన్నివేశాలు అనుకున్నాం. కానీ కొన్ని కారణాల వలన ఈ సినిమాలో వాటిని చేయలేకపోయాము. ప్రస్తుతం ఆ సన్నివేశాల గురించి ఆలోచన లేదు.. త్వరలోనే కేజీఎఫ్ 3 సినిమా గురించి ప్రకటన రాబోతుంది. సెకండ్ పార్టుకు మించి థర్ట్ పార్ట్ ఉంటుంది.. ఈ సినిమా సెట్స్ పైకి వెళ్లడానికి చాలా సమయం పడుతుంది. ” అంటూ చెప్పుకొచ్చాడు. ప్రస్తుతం కేజీఎఫ్ 2 సినిమా బాక్సాఫీస్‍ను షేక్ చేస్తుంది. ప్రాంతీయ భాషల్లోనే కాకుండా.. హిందీలోనూ అద్భుతమైన రెస్పాన్స్ వస్తుంది. ఈ సినిమాలో సంజయ్ దత్, రవీనా టాండన్, శ్రీనిధి శెట్టి కీలకపాత్రలలో నటించారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.

Also Read: Ajay Devgn vs Sudeep: సుదీప్ వర్సెస్ అజయ్ దేవగన్‌.. నెట్టింట్ హీటెడ్ ట్వీట్ వార్..

Puneeth Rajkumar: పునీత్ పేరును పచ్చబొట్టుగా వేయించుకున్న నటి.. ఆయన ఎప్పటికీ గుర్తుండిపోతారంటూ..

KGF2, RRR కాకుండా ప్రపంచవ్యాప్తంగా అత్యధిక కలెక్షన్లు సాధించిన టాప్ 10 ఇండియన్‌ సినిమాలివే..

Richa Gangopadhyay: గుర్తుపట్టలేనంతగా మారిపోయిన మిర్చి హీరోయిన్‌.. నెట్టింట్లో వైరలవుతోన్న ఫొటోలు..