Rakesh-Sujatha: ఉంగరాలు మార్చుకున్న జబర్దస్త్ లవర్స్‌.. సందడి చేసిన మంత్రి రోజా, బుల్లితెర సెలబ్రిటీలు
జబర్దస్త్ ప్రేమ పక్షులు రాకింగ్‌ రాకేశ్‌- జోర్దార్ సుజాతల ఎంగేజ్‌మెంట్ వేడుకగా జరిగింది. గత కొద్ది కాలంగా ప్రేమలో ఉన్న వీరిద్దరు శుక్రవారం ఉంగరాలు మార్చుకున్నారు. ఇరు కుటుంబ సభ్యుల సమక్షంలో జరిగిన ఈ కార్యక్రమానికి ఆంధ్రప్రదేశ్ పర్యాటక శాఖా మంత్రి రోజా హాజరయ్యారు.
Updated on: Jan 28, 2023 | 4:51 PM
జబర్దస్త్ ప్రేమ పక్షులు రాకింగ్‌ రాకేశ్‌- జోర్దార్ సుజాతల ఎంగేజ్‌మెంట్ వేడుకగా జరిగింది. గత కొద్ది కాలంగా ప్రేమలో ఉన్న వీరిద్దరు శుక్రవారం ఉంగరాలు మార్చుకున్నారు. ఇరు కుటుంబ సభ్యుల సమక్షంలో జరిగిన ఈ కార్యక్రమానికి ఆంధ్రప్రదేశ్ పర్యాటక శాఖా మంత్రి రోజా హాజరయ్యారు. అలాగే స్టార్ యాంకర్లు అనసూయ, రవి, గెటప్‌ శ్రీను, అదిరే అభి సహా, చలాకీ చంటి తదితర బుల్లితెర, జబర్దస్త్ సెలబ్రిటీలు పాల్గొని కాబోయే వధూవరులకు శుభాకాంక్షలు, అభినందనలు తెలిపారు. ప్రస్తుతం రాకింగ్‌ రాకేశ్‌- సుజాత ల ఎంగేజ్‌మెంట్ ఫొటోలు సోషల్‌ మీడియాలో వైరల్‌గా మారాయి. పలువురు సినీ సెలబ్రిటీలతో పాటు అభిమానులు, నెటిజన్లు కాబోయే దంపతులకు కంగ్రాట్స్‌ తెలుపుతున్నారు. కాగా ఇటీవలే తన యూట్యూబ్‌ ఛానెల్‌ ద్వారా తమ ప్రేమ విషయాన్ని అధికారికంగా ప్రకటించారీ లవ్‌బర్డ్స్‌. ఈనెల చివర్లోనే నిశ్చితార్థం చేసుకుంటామని తెలిపారు. ఇప్పుడు అనుకున్నట్లే ఉంగరాలు మార్చుకున్నారు. కాగా నిశ్చితార్థం చేసుకునే రోజే లగ్నపత్రిక కూడా రాసుకోబోతున్నట్లు జోర్దార్ సుజాత చెప్పింది. అయితే పెళ్లి డేట్‌పై మాత్రం ఇంకా క్లారిటీ ఇవ్వలేదీ ప్రేమ పక్షులు.
ఇక టీవీ యాంకర్‌గా పరిచయమైన సుజాత బిగ్‌బాస్‌ షోతో మరింత క్రేజ్‌ తెచ్చుకుంది. ఆ తర్వాత జబర్దస్త్ షోలోకి అడుగుపెట్టింది. ప్రముఖ కమెడియన్‌ రాకింగ్‌ రాకేశ్‌ టీంతో కలిసి బుల్లితెర ప్రేక్షకులను కడుపుబ్బా నవ్విస్తోంది. ఈక్రమంలోనే ఇద్దరూ ప్రేమలో పడిపోయారు. పలు సందర్భాల్లో జబర్దస్త్ వేదికపైనే తమ ప్రేమ విషయాన్ని బహిర్గతం చేశారు. ఇక పెద్దల అనుమతి కూడా లభించడంతో గ్రాండ్‌గా ఎంగేజ్‌మెంట్ చేసుకున్నారు. వీరు త్వరలోనే తమ పెళ్లి డేట్‌ను ప్రకటించే అవకాశం ఉంది.
View this post on Instagram
View this post on Instagram
మరిన్ని సినిమా వార్తల కోసం క్లిక్ చేయండి..
