Shyam Singha Roy: దుష్టశక్తి – దైవశక్తి మధ్య జరిగే పోరాటమే నాని శ్యామ్ సింగరాయ్.?

Shyam Singha Roy: నేచురల్ స్టార్ నాని ప్రస్తుతం వరుస సినిమాలతో ఫుల్ బిజీగా ఉన్నాడు. ఇప్పటికే శివ నిర్వాణ దర్శకత్వంలో తెరకెక్కిన టక్ జగదీశ్ సినిమా షూటింగ్‌ను కంప్లీట్ చేసి ప్రేక్షకుల ముందుకు రావడానికి సిద్ధంగా ఉన్నాడు. ఈ సినిమా ఓటీటీ వేదికగా సెప్టెంబర్ 10న విడుదల కాబోతుందని తెలుస్తుంది. అయితే ఇప్పుడు థియేటర్స్ ఓనర్స్‌కు నిర్మాతలను మధ్య ఏర్పడిన వివాదం కారణంగా ఈ సినిమా రిలీజీ పై స్పష్టత రావాల్సి ఉంది. ఇదిలా ఉంటే ఈ సినిమాతోపాటు టాక్సీవాలా ఫేమ్ రాహుల్ సాంకృత్యన్‌ దర్శకత్వంలో సినిమా చేస్తున్నాడు నాని. ఈ సినిమా శ్యామ్ సింగరాయ్ అనే ఇంట్రస్టింగ్ టైటిల్‌తో తెరకెక్కుతోంది. ఇప్పటికే విడుదలైన పోస్టర్లు సినిమా పైన ఆసక్తిని క్రియేట్ చేశాయి. ఇక ఈ సినిమాలో ముగ్గురు హీరోయిన్లు నటిస్తున్నారు. సాయిపల్లవి, మడోనా సెబాస్టియన్, ఉప్పెన బ్యూటీ కృతిశెట్టి ఈ సినిమాలో నటిస్తోన్నారు. ఈ చిత్రాన్ని నిహారిక ఎంటర్‌టైన్‌మెంట్‌ సంస్థ నిర్మిస్తుంది. రాహుల్‌ రవీంద్రన్‌, మురళీ శర్మ కీలకపాత్రలో కనిపించనున్నారు.

ఇటీవలే ఈ సినిమా షూటింగ్ పూర్తయింది. కరోనా కారణంగా ఈ సినిమా ఎక్కువ భాగం సెట్‌‌‌‌లోనే జరిగింది. ఈ సినిమా కోసం కలకత్తా వీధులు, అలాగే కాళీ మాత టెంపుల్ సెట్స్‌‌‌‌ను వేశారు. సినిమా షూటింగు పార్టును పూర్తిచేసుకుందనే విషయాన్ని మేకర్స్ ఇటీవలే అధికారికంగా తెలియజేశారు. ఇదిలా ఉంటే ఈ సినిమాలో దుష్టశక్తి – దైవశక్తి మధ్య  జరిగే పోరాటం ప్రధానమైన అంశంగా కనిపిస్తుందని అంటున్నారు. సాయిపల్లవి పాత్రకి కొన్ని దైవశక్తులు ఉంటాయనే టాక్ కూడా వినిపిస్తోంది. ఈ అంశానికి సంబంధించిన గ్రాఫిక్స్ కూడా ఒక రేంజ్‌లో ఉండనున్నాయని టాక్. మరి ఈ వార్తల్లో నిజమెంత అన్నది తెలియాల్సి ఉంది. ఈ సినిమాను సంక్రాంతి బరిలో దింపే అవకాశాలు కనిస్తున్నాయి.

మరిన్ని ఇక్కడ చదవండి :

Aishwarya Rai: అచ్చం శివగామిలాగే ఐశ్వర్యా రాయ్.. నెట్టింట్లో హల్‏చల్ చేస్తోన్న ఐష్ న్యూలుక్.. చూస్తే ఫిదా కావాల్సిందే..

వయ్యారంగా ఫోటోకు ఫోజులిచ్చిన ఈ స్టార్ హీరోయిన్ ఎవరో గుర్తుపట్టండి.. మీ కోసం చిన్న క్లూ.. ఇప్పటికీ కుర్రాళ్ల కళల రాకుమారి..

Ram Gopal Varma: కాలేజీ రోజుల్లోనే రామ్ గోపాల్ వర్మ ప్రేమాయణం.. తన ఫస్ట్ లవర్ ఫోటో షేర్ చేసిన ఆర్జీవి..