అభిమానులకు సూర్య రిక్వెస్ట్…

తమిళ హీరో సూర్య ఏ పాత్ర వేసినా..త‌న న‌ట‌న‌తో ప్రేక్ష‌కుల‌ను ఆశ్చ‌ర్య‌చకితుల‌ను చేస్తారు. మ‌రోవైపు సాయం చేయ‌డంలోనూ సూర్య కుటుంబం ముందుంటుంది. ప్ర‌స్తుతం అగ‌రం ఫౌండేషన్ ద్వారా పేద విద్యార్థులు చ‌దువుకునేందుకు సూర్య‌ స‌హాయం చేస్తోన్న సంగ‌తి తెలిసిందే. అంతేకాదు లాక్‌డౌన్‌ కారణంగా ఇబ్బందులకు ఎదుర్కొంటున్న సినీ కార్మికులకు అండ‌గా నిలిచి మొద‌ట‌గా ఆర్థిక సహాయాన్ని అందించారు. సూర్య అభిమానులు సైతం ఆయ‌న బాట‌లోనే న‌డుస్తూ ప్ర‌స్తుతం సేవా కార్య‌క్ర‌మాలు చేస్తున్నారు. ఈ సంద‌ర్భంగా సూర్య త‌న అభిమానుల‌కు ఒక విజ్ఞప్తి చేశారు.

పేదలకు ఎంతవరకు సాయం చేయగలరో అంతవరకు మాత్ర‌మే చేయ‌మ‌న్న సూర్య‌..ఇలాంటి సంక్షోభ‌ ప‌రిస్థితుల్లో సేవ చేయడం మాములు విష‌యం కాద‌న్నారు. అయితే త‌న‌కు బాధ‌కు గురిచేసే ప‌నుల‌కు మాత్రం దూరంగా ఉండాల‌ని కోరారు. కాగా కొంద‌రు ప్లాస్టిక్ వాట‌ర్ బాటిల్స్ ఉప‌యోగిస్తున్న‌ట్టు త‌న‌కు తెలిసింద‌ని..అలాంటివాటిని సాధ్య‌మైనంద‌వ‌ర‌కు నిషేధించాల‌ని కోరారు. ఇక నిరంత‌రం స‌హాయ కార్య‌క్ర‌మాల్లో పాల్గొంటున్న త‌న ఫ్యాన్స్ ను మ‌న‌స్పూర్తిగా అభినందిస్తున్న‌ట్టు ఓ లేఖ విడుద‌ల చేశారు సూర్య‌.