Oke Oka Jeevitham Movie: శర్వానంద్ ఒకే ఒక జీవితం నుంచి అమ్మ పాట.. సాంగ్ రిలీజ్ ఎప్పుడంటే

Oke Oka Jeevitham

Oke Oka Jeevitham Movie: యంగ్ హీరో శర్వానంద్ ప్రస్తుతం వరుస సినిమాలతో బిజీగా ఉన్నాడు. గత కొంతకాలంగా బ్యాక్ టు బ్యాక్ సినిమాలు చేస్తూ వస్తున్నా సరైన హిట్ మాత్రం అందుకోలేక పోతున్నాడు ఈ కుర్ర హీరో. ఈ క్రమంలో ఇప్పుడు ఎలాగైనా మంచి హిట్ కొట్టాలన్న కసితో ఉన్నాడు శర్వా. కెరీర్ బిగినింగ్ నుంచి విభిన్నమైన కథలను ఎంచుకుంటూ వస్తున్నాడు శర్వానంద్. ఈ క్రమంలోనే ఇప్పుడు ఒకే ఒక జీవితం అనే సినిమా చేస్తున్నాడు. ఇక రీసెంట్ గా రీలీజ్ అయిన మహా సముద్రంపై హీరో శర్వానంద్ భారీ అంచనాలనే పెట్టుకున్నారు. సినిమా రిలీజ్ ముందు ప్రమోషన్స్ కూడా ఒక రేంజ్ లో చేశారు. అయితే ఈ సినిమా ఆశించినంతగా ప్రేక్షకులను ఆకట్టుకోలేకపోయింది. దాంతో ఇప్పుడు ఆశలన్నీ ఈ సినిమా పైనే పెట్టుకున్నాడు శర్వా. ఒకే ఒక జీవితం సినిమాను డ్రీమ్ వారియర్ పిక్చర్స్ బ్యానర్ నిర్మిస్తుండగా.. రీతూ వర్మ హీరోయిన్ గా నటిస్తోంది. అలాగే ఇందులో కీలక పాత్రలో అమల నటిస్తుంది.

ఈ సినిమా ఓకే టైమ్ ట్రావెల్ కథ. ఇప్పటికే విడుదలైన టీజర్ ప్రేక్షకులను ఆకట్టుకుంది. తెలుగు తమిళ భాషల్లో తెరకెక్కిన ఈ బైలింగ్విల్ సినిమాతో శ్రీ కార్తిక్ డైరెక్టర్ గా ఇండస్ట్రీకి పరిచయం అవుతున్నారు. తాజాగా ఈ సినిమా నుంచి అమ్మ పాటను విడుదల చేయడానికి రెడీ అయ్యారు చిత్రాయునిట్. రిపబ్లిక్ డే సందర్భంగా 2022 జనవరి 26వ తేదీ సాయంత్రం 5 గంటలకు ఈ పాటని విడుదల చేయనున్నట్లు తాజాగా ప్రకటించారు. . ఈ సందర్భంగా వదిలిన అనౌన్స్ మెంట్ పోస్టర్ ఆకట్టుకుంటోంది. జేక్స్ బీజోయ్ ఈ పాటకి ట్యూన్ సమకూర్చగా.. దివంగత లిరిసిస్ట్ సిరివెన్నెల సీతారామశాస్త్రి సాహిత్యం అందించారు. యంగ్ మ్యూజిక్ సెన్సేషన్ సిద్ శ్రీరామ్ ఈ పాటను ఆలపించారు. ఈ సినిమాను ఎస్ఆర్ ప్రకాష్ బాబు, ఎస్ఆర్ ప్రభు సంయుక్తంగా నిర్మిస్తున్నారు. ప్రస్తుతం పోస్ట్ ప్రోడక్షన్ పనులు జరుపుకుంటున్న ఈ సినిమా త్వరలోనే ప్రేక్షకుల ముందుకు రాబోతుంది.

మరిన్ని ఇక్కడ చదవండి : 

Kangana Ranaut: మన హీరోలను ఆకాశానికెత్తేసిన బాలీవుడ్ బ్యూటీ.. కానీ హిందీ హీరోలను మాత్రం..

Pragya Jaiswal: సల్మాన్ తో రొమాంటిక్ సాంగ్ చేశా.. ఆయన్ని మొదట ఏం అడిగానంటే.. ఆసక్తికర విషయం చెప్పిన ప్రగ్య

Ram Gopal Varma: అసాధారణ శక్తికి ఆదిపరాశక్తి తోడైతే.. వాయిస్ ఓవర్ తో అదరగొట్టిన ఆర్జీవీ.. కొండా మూవీ నుంచి లేటెస్ట్ అప్డేట్..