Red Movie: ఏడు భాషలలో విడుదల కాబోతున్న రామ్ ‘రెడ్’ సినిమా.. కానీ ఆ లాంగ్వేజ్ వెర్షన్ మాత్రం ఓటీటీలో..
రామ్ పోతినేని హీరోగా.. తిరుమల కిషోర్ దర్శకత్వంలో రాబోతున్న సినిమా రెడ్. సంక్రాంతి కానుకగా జనవరి 14న ఈ సినిమా థియేటర్లలో విడుదల కాబోతుంది.
Updated on: Jan 07, 2021 | 7:37 PM
రామ్ పోతినేని హీరోగా.. తిరుమల కిషోర్ దర్శకత్వంలో రాబోతున్న సినిమా రెడ్. సంక్రాంతి కానుకగా జనవరి 14న ఈ సినిమా థియేటర్లలో విడుదల కాబోతుంది. ఇందులో మాళవికా శర్మ, నివేదా పేతురాజ్, అమృతా అయ్యర్ హీరోయిన్లుగా నటిస్తున్నారు. శ్రీ స్రవంతి మూవీస్ బ్యానర్ పై రవి కిషోర్ ఈ చిత్రాన్ని నిర్మిస్తున్నారు. గతేడాది రామ్ నటించిన ఇస్మార్ట్ శంకర్ బ్లాక్బాస్టర్ అందుకుంది. ఆ తర్వాత రామ్ చేస్తున్న రెడ్ మూవీపై అభిమానులు అంచనాలు భారీగానే ఉన్నాయి.
తాజాగా ఈ చిత్ర రవి కిషోర్ మాట్లాడుతూ.. “రెడ్ సినిమాను ఏడు భాషల్లో విడుదల చేస్తున్నాం. కన్నడ, మలయాళం, బెంగాలీ, భోజ్ పురి, మరాఠీ, తమిళంతోపాటు హిందీలో కూడా రిలీజ్ చేస్తున్నాం. ఇందులో కన్నడ వెర్షన్ కూడా జనవరి 14నే విడుదల అవుతుంది. మిగిలిన భాషల్లో జనవరి చివరిలోగా విడుదల చేయనున్నాం. కానీ తమిళ వెర్షన్ మాత్రం ఓటీటీలో విడుదల చేస్తున్నం. ప్రస్తుతం హీరో రామ్కు వేరే భాషల్లో పెరిగిన మార్కెట్ రీత్యా ఇలా డబ్ చేసి రిలీజ్ చేస్తున్నాం. ఈ సినిమా అన్ని భాషల ప్రేక్షకులకు నచ్చుతుంది. అలాగే తెలుగు వెర్షన్ గ్రేట్ ఇండియా ఫిల్మ్స్ ద్వారా ఓవర్సీస్లో విడుదల చేయనున్నాం. అమెరికా, ఆస్ట్రేలియా, సింగాపూర్ దేశాలతోపాటు దుబాయిలోనూ ఈ సినిమా విడుదల చేస్తున్నాం. వసూళ్ళ కోణంలో కాకుండా ప్రేక్షకులకు థియేట్రికల్ ఎక్స్పీరియన్స్ ఇవ్వాలనే ఇలా ఆయా ఏరియాల పరిస్థితులను బట్టి కొన్ని కొన్ని చోట్ల విడుదల చేస్తున్నాం. ఇంకా కొన్ని థియేటర్లు పెంచమని అడుగుతున్నారు. ఈసారి సంక్రాంతికి ‘రెడ్’ సినిమా మంచి అనుభూతిని అందిస్తుంది” అని చెప్పారు.
