RRR : నెత్తురు మరిగితే ఎత్తర జెండా అంటున్న తారక్ చరణ్.. “ఆర్ఆర్ఆర్” నుంచి మరోసాంగ్ ప్రోమో….

RRR : రాజమౌళి తెరకెక్కిస్తున్న అత్యంత ప్రతిష్ఠాత్మక చిత్రం ఆర్ఆర్ఆర్. ఈ సినిమాలో మెగా పవర్ స్టార్ రామ్ చరణ్ అల్లూరి సీతారామరాజుగా.. యంగ్ టైగర్ ఎన్టీఆర్ కొమురం భీమ్ గా నటిస్తున్న విషయం తెలిసిందే. సినిమాపై ఆకాశాన్ని తాకే అంచనాలు ఉన్నాయి. నిజానికి ఈ సినిమా ఇప్పటికే విడుదల కావాల్సి ఉండగా కరోనా (Corona) కారణంగా పలుసార్లు వాయిదా పడుతూ వచ్చింది. ప్రస్తుతం కరోనా పూర్తిగా తగ్గుముఖం పట్టడంతో ఎట్టకేలకు ఈ చిత్రాన్ని మార్చి 25న ప్రపంచవ్యాప్తంగా అత్యంత భారీ ఎత్తున విడుదల చేయడానికి చిత్ర యూనిట్‌ సన్నాహాలు చేస్తోంది. దేశవ్యాప్తంగా ఈ మూవీ కోసం ప్రేక్షకులు ఎంతో ఆసక్తిగా ఎదురుచూస్తున్నారు. అయితే విడుదల తేదీ దగ్గరపడుతున్నప్పటికీ ఇప్పుటికీ ప్రమోషన్స్ మాత్రం ప్రారంభించలేదు జక్కన్న అండ్ టీం. అప్పుడెప్పుడో నాటు నాటు సాంగ్ ఆతర్వాత కొమురం భీమ్ , అల్లూరి థీమ్ సాంగ్స్ ను రిలీజ్ చేశారు జక్కన్న. దీంతో ఆర్ఆర్ఆర్ సినిమా విడుదలై పై మరోసారి సందేహాలు వ్యక్తం చేస్తున్నారు. ఈ క్రమంలో తాజాగా ఆ సందేహాలకు తెర దించుతూ ఈ సినిమాలోని పాటను ఓ మరోసాంగ్ ను రిలీజ్ చేయనున్నారు.

నిజానికి ఈ స్పెషల్ సర్ ప్రైజ్ ను సినిమా చివరలో ఇవ్వాలనుకున్నారట. కానీ ఎగ్జయిట్మెంట్ ఆపుకోలేక ఇప్పుడు రివీల్ చేస్తున్నట్లు మొన్నామధ్య ట్వీట్ చేశారు రాజమౌళి. ట్రిపుల్ ఆర్ సర్‌ప్రైజింగ్ యాంథ‌మ్‌ను మార్చి 14న విడుద‌ల చేయనున్నారు. ఆ పాట నుండి ప్రోమోను విడుదల చేశారు. నెత్తురు మరిగితే ఎత్తర జెండా అంటూ సాగే ఈ పాట 20 సెకన్ల విజువల్స్ ను విడుదల చేయడం జరిగింది. ఈ పాటలో ఇద్దరు హీరోలతో ఆలియా భట్ ను కూడా కనిపించారు. ఈ ఎత్తర జెండా పాటకికీరవాణి  తనదైన శైలిలో మంచి మ్యూజిక్ ను ఇచ్చారని ఈ ప్రోమో చూస్తే అర్ధమవుతుంది. ఈ ప్రోమో పై మీరూ ఓ లుక్కెయండి.

మరిన్ని ఇక్కడ చదవండి : 

Varun Sandesh: పాన్ ఇండియా సినిమాలో వరుణ్ సందేశ్.. అధికారికంగా ప్రకటించిన చిత్రయూనిట్..

Mirnalini Ravi: నెమలి సోకు సోయగం తో మైమరిపిస్తున మృణాళిని రవి

Viral Photo: అందాల రాశి.. కుర్రకారును పిచ్చెక్కిస్తున్న క్రేజీ హీరోయిన్.. ఎవరో గుర్తుపట్టండి.!