Balakrishna: బాలకృష్ణ సినిమాలో ఆ యంగ్ హీరో.. బాబీ మూవీపై ఇంట్రెస్టింగ్ రూమర్..

Balakrishna

ఇటీవలే భగవంత్ కేసరి సినిమాతో సూపర్ హిట్ ఖాతాలో వేసుకున్నారు నందమూరి బాలకృష్ణ. డైరెక్టర్ అనిల్ రావిపూడి తెరకెక్కించిన ఈ మూవీలో కాజల్ కథానాయికగా నటించగా.. బాలయ్య కూతురిగా శ్రీలీల కనిపించింది. తండ్రి కూతుళ్ల అనుబంధంతో వచ్చిన ఈ సినిమాకు అడియన్స్ నుంచి పాజిటివ్ రెస్పాన్స్ వచ్చింది. ఈ సినిమా తర్వాత డైరెక్టర్ బాబీ దర్శకత్వంలో ఓ ప్రాజెక్ట్ చేయనున్నారు బాలకృష్ణ. ఇటీవలే ఈ సినిమాకు సంబంధించిన అఫీషియల్ ప్రకటన సైతం వచ్చిన సంగతి తెలిసిందే. గొడ్డలికి ఆంజనేయుడి తాయత్తుతోపాటు కళ్లద్దాలు పెట్టిన పోస్టర్ రిలీజ్ చేస్తూ ఈ సినిమా మాస్ యాక్షన్ నేపథ్యంలో ఉండబోతుందని క్లారిటీ ఇచ్చేశారు. అంతేకాకుండా ఈ ఏడాది ప్రారంభంలో వాల్తేరు వీరయ్య సినిమాతో బ్లాక్ బస్టర్ హిట్ కొట్టారు బాబీ. ఇప్పుడు బాలయ్యతో సినిమా చేయబోతుండడంతో ఈ మూవీపై మంచి హైప్ నెలకొంది.

ఈ క్రమంలోనే తాజాగా ఈ మూవీకి సంబంధించి ఓ ఇంట్రెస్టింగ్ న్యూస్ ఫిల్మ్ వర్గాల్లో చక్కర్లు కొడుతుంది. తాజా సమాచారం ప్రకారం ఈ సినిమాలో దుల్కర్ సల్మాన్ ఓ కీలక పాత్రలో నటిస్తున్నాడు. అయితే దీనికి సంబంధించి అధికారిక ధృవీకరణ రావాల్సి ఉంది. దుల్కర్ సల్మాన్ చివరిసారిగా అభిలాష్ జోషి తెరకెక్కించిన గ్యాంగ్‌స్టర్ యాక్షన్ థ్రిల్లర్ చిత్రం కింగ్ ఆఫ్ కోతాలో కనిపించాడు. ఈ చిత్రంలో షబీర్ కల్లరక్కల్, ప్రసన్న, గోకుల్ సురేష్, చెంబన్ వినోద్ జోస్, ముఖ్య పాత్రలు పోషించారు.

కమల్ హాసన్, మణిరత్నంల రాబోయే ప్రాజెక్ట్ థగ్ లైఫ్‌లో దుల్కర్ సల్మాన్ కనిపించనున్నాడు. ఈ చిత్రంలో జయం రవి, త్రిష కృష్ణన్ కూడా ప్రముఖ పాత్రలు పోషిస్తున్నారు. ఈ చిత్రానికి AR రెహమాన్ సంగీతం అందించారు.

మరిన్ని సినిమా వార్తల కోసం ఇక్కడ క్లిక్ చేయండి.