పవన్ అభిమానులకు డబుల్ ధమాకా..!
రాజకీయాల్లోకి వెళ్లి చిత్ర పరిశ్రమకు కొన్నాళ్లు దూరంగా ఉన్న పవర్ స్టార్ పవన్ కల్యాణ్ తాజాగా వరస సినిమాలకు గ్రీన్ సిగ్నల్ ఇచ్చిన విషయం తెలిసిందే. ప్రస్తుతం ఏకకాలంలో ఆయన రెండు సినిమాల్లోనూ నటిస్తున్నారు.
Updated on: Jul 17, 2020 | 12:52 PM
రాజకీయాల్లోకి వెళ్లి చిత్ర పరిశ్రమకు కొన్నాళ్లు దూరంగా ఉన్న పవర్ స్టార్ పవన్ కల్యాణ్ తాజాగా వరస సినిమాలకు గ్రీన్ సిగ్నల్ ఇచ్చిన విషయం తెలిసిందే. ప్రస్తుతం ఏకకాలంలో ఆయన రెండు సినిమాల్లోనూ నటిస్తున్నారు. ‘పింక్’ రీమేక్ ‘వకీల్ సాబ్’తో పాటు… క్రిష్ జాగర్లమూడి దర్శకత్వంలో తెరకెక్కనున్న మరో సినిమాలోనూ నటిస్తున్నారు పవర్ స్టార్. వకీల్ సాబ్ షూటింగ్ దాదాపు కంప్లీట్ అయ్యింది. కొంత ప్యాచ్ వర్క్ మిగిలి ఉంది. క్రిష్ చిత్రం కొన్ని షెడ్యూల్స్ కంప్లీట్ అయ్యాయి. అయితే కోవిడ్-19 కారణంగా ఈ రెండు సినిమాల షూటింగ్ వాయిదా పడింది. కానీ ఈ సమయంలోనూ పవన్ ఫ్యాన్స్కు ఓ డబుల్ బొనాంజా రెడీ అవుతుందట.
ఈ రెండు సినిమాల నుంచి ఏ చిన్న అప్డేట్ అయినా వస్తుందేమో అని ఫ్యాన్స్ ఆశగా ఎదురుచూస్తున్నారు. అయితే సెప్టెంబర్ 2న పవన్ బర్త్ డే సందర్భంగా అభిమానులను సర్ప్రైజ్ చేసేందుకు మూవీ యూనిట్స్ సిద్ధమయ్యాయట. ఆ రోజు వకీల్సాబ్ టీజర్తో పాటు క్రిష్ దర్శకత్వంలో రాబోతున్న సినిమా ఫస్ట్లుక్ రిలీజయ్యే అవకాశం ఉందని ఇండస్ట్రీ వర్గాల సమాచారం.
