Tollywood : 62 ఏళ్లలో 2500కు పైగా సినిమాలు.. మహేష్ బాబు సినిమాతో ఫేమస్.. ఈ నటి ఎవరో గుర్తుపట్టారా.. ?
దక్షిణాది చిత్రపరిశ్రమలో తమదైన ముద్ర వేసిన నటీనటులు చాలా మంది ఉన్నారు. దశాబ్దాల సినీప్రయాణంలో వందలాది చిత్రాలతో తమకంటూ ఓ గుర్తింపు తెచ్చుకున్నారు. అలాంటి వారిలో ఇప్పుడు మనం మాట్లాడుకుంటున్న నటి ఒకరు. 62 ఏళ్ల సినీ సామ్రాజ్యంలో ఎన్నో సూపర్ హిట్ చిత్రాలతో మెప్పించారు. తెలుగు, తమిళం, మలయాళం భాషలలో అనేక హిట్ చిత్రాల్లో ముఖ్య పాత్రలు పోషించి మెప్పించారు. ఇంతకీ ఆమె ఎవరో తెలుసా.. ?
Updated on: Apr 03, 2026 | 6:16 PM
పైన ఫోటోలో కనిపిస్తున్న నటి ఎవరో గుర్తుపట్టారా.. ? వందలాది చిత్రాల్లో నటిగా తనకంటూ ప్రత్యేక స్థానాన్ని సంపాదించుకున్నారు. తెలుగులో మహేష్ బాబు సినిమాతో ఒక్కసారిగా పాపులర్ అయ్యింది. భారతీయ చలనచిత్ర పరిశ్రమలో సుకుమారి స్థానాన్ని ఎవరూ భర్తీ చేయలేరు. ఆరు దశాబ్దాలకు పైగా సాగిన తన నటనా జీవితంలో 2,500కు పైగా చిత్రాలలో నటించి, ఆమె అన్ని భాషల ప్రేక్షకులకు ప్రియమైన ‘సుకుమారి అమ్మ’గా నిలిచారు. 1940 అక్టోబర్ 6న జన్మించిన సుకుమారి, కేవలం పదేళ్ల వయసులోనే ‘ఒరు ఇరవ్’ అనే తమిళ చిత్రంతో వెండితెరపైకి అరంగేట్రం చేసింది. తన బంధువు, నటి పద్మినితో కలిసి షూటింగ్ చూడటానికి వచ్చిన ఆ బాలికను, దర్శకుడు నీలకందన్ అనూహ్యంగా ఆ చిత్రంలోకి తీసుకున్నారు. డ్యాన్స్ పట్ల ఆమెకున్న అభిరుచి, సహజమైన నటన శైలి ఆమెను చిత్ర పరిశ్రమలో అతి తక్కువ కాలంలోనే సుప్రసిద్ధురాలిగా చేశాయి. మలయాళం, తమిళం, తెలుగుతో పాటు హిందీ, సింహళం, ఫ్రెంచ్, ఇటాలియన్, బెంగాలీ, తులు, ఇంగ్లీష్, కన్నడ వంటి దాదాపు డజను భాషల్లో ఆమె నటించారన్న వాస్తవం ఆమె అసాధారణ ప్రతిభకు నిదర్శనం.
ఎక్కువ మంది చదివినవి : Ram Gopal Varma : ప్రపంచంలోని అన్నిటికంటే ఆ పాటే గొప్ప సాంగ్.. బతుకునే మార్చే పాట ఇది.. రామ్ గోపాల్ వర్మ..
మలయాళ చిత్రసీమలోకి సుకుమారి ప్రవేశం చాలా యాదృచ్ఛికంగా జరిగింది. ఆమె మొదటి మలయాళ చిత్రం ‘తస్కరవీరన్’, ఇందులో సత్యన్ , రాగిణి ప్రధాన పాత్రలలో నటించారు. ఆ చిత్రంలో కొట్టారక్కర శ్రీధరన్ నాయర్ భార్య పాత్ర పోషించాల్సిన నటి రాకపోవడంతో, నృత్య బృందంలో ఉన్న సుకుమారికి ఆ పాత్ర ఇచ్చారు. వయసుతో సంబంధం లేకుండా గంభీరమైన తల్లి పాత్రలతో పాటు హాస్య పాత్రలను కూడా అలవోకగా పోషించగలిగారు.తెలుగు, తమిళం, మలయాళం భాషలలో స్టార్ హీరోస్ అందరికి తల్లి పాత్రలు పోషించింది. అలాగే మహేష్ బాబు నటించిన మురారి సినిమాతో ఆమెకు మరింత గుర్తింపు వచ్చింది. ఇందులో మహేష్ నాన్నమ్మగా నటించింది.
ఎక్కువ మంది చదివినవి : Aamani: ఇప్పుడున్న హీరోలలో అతడంటే చాలా ఇష్టం.. ఆ హీరో మాట్లాడే తీరు సూపర్ ఉంటుంది.. హీరోయిన్ ఆమని..
కళారంగానికి ఆమె చేసిన సమగ్ర సేవలకు గుర్తింపుగా, 2003లో దేశం ఆమెను పద్మశ్రీ పురస్కారంతో సత్కరించింది. 2010లో విడుదలైన తమిళ చిత్రం ‘నమ్మ గ్రామం’లో తన హృద్యమైన నటనకు గాను ఆమె ఉత్తమ సహాయ నటిగా జాతీయ చలనచిత్ర పురస్కారాన్ని కూడా గెలుచుకున్నారు. 2013 మార్చి 26న చెన్నైలో కన్నుమూశారు.\
ఎక్కువ మంది చదివినవి : Puri Jagannadh : బద్రి సినిమాలో యాక్టింగ్.. ఆ నటికి ప్రతి నెల డబ్బులు పంపుతున్న పూరి.. కారణం ఇదే..
Sukumari Murari Movie
ఎక్కువ మంది చదివినవి : Prakash Raj : క్రైస్తవ సంప్రదాయంలో తల్లి అంత్యక్రియలు.. ట్రోల్స్ పై మండిపడ్డ ప్రకాష్ రాజ్..
