Teaser Talk: ‘పేద‌వారు ప్రేమించి పెళ్లి చేసుకుంటే చంపేస్తారా’.? ఆస‌క్తిక‌రంగా ‘రెడ్డిగారింట్లో రౌడీయిజం’ టీజ‌ర్‌..

Teaser Talk: ర‌మ‌ణ్ క‌థానాయ‌కుడిగా తెర‌కెక్కుతోన్న చిత్రం ‘రెడ్డిగారింట్లో రౌడీయిజం’. సిరి మూవీస్ బ్యాన‌ర్‌పై కె. శిరీషా ర‌మ‌ణారెడ్డి నిర్మిస్తున్న ఈ చిత్రానికి ఎం. ర‌మేష్‌, గోపి సంయుక్తంగా ద‌ర్శ‌క‌త్వం వ‌హిస్తున్నారు. వ‌ర్ష విశ్వ‌నాథ్‌, ప్రియాంక, పావ‌ని, అంకిత హీరోయిన్లుగా...

Teaser Talk: 'పేద‌వారు ప్రేమించి పెళ్లి చేసుకుంటే చంపేస్తారా'.? ఆస‌క్తిక‌రంగా ‘రెడ్డిగారింట్లో రౌడీయిజం’ టీజ‌ర్‌..
Reddy Garintlo Rowdyism


Teaser Talk: ర‌మ‌ణ్ క‌థానాయ‌కుడిగా తెర‌కెక్కుతోన్న చిత్రం ‘రెడ్డిగారింట్లో రౌడీయిజం’. సిరి మూవీస్ బ్యాన‌ర్‌పై కె. శిరీషా ర‌మ‌ణారెడ్డి నిర్మిస్తున్న ఈ చిత్రానికి ఎం. ర‌మేష్‌, గోపి సంయుక్తంగా ద‌ర్శ‌క‌త్వం వ‌హిస్తున్నారు. వ‌ర్ష విశ్వ‌నాథ్‌, ప్రియాంక, పావ‌ని, అంకిత హీరోయిన్లుగా న‌టిస్తోన్న ఈ సినిమాపై మంచి అంచ‌నాలే ఉన్నాయి. ప్రారంభం నుంచి ప్రేక్ష‌కుల దృష్టిని ఆక‌ర్షిస్తోన్న ఈ సినిమాకు సంబంధించిన టీజ‌ర్‌ను తాజాగా విడుద‌ల చేశారు. టాలీవుడ్ అగ్ర ద‌ర్శ‌కుల్లో ఒక‌రైన వి.వి. వినాయ‌క్ ఈ సినిమా టీజర్‌ను విడుద‌ల చేశారు. ఈ సంద‌ర్భంగా వినాయ‌క్ మాట్లాడుతూ.. టీజ‌ర్ చాలా ఆస‌క్తిక‌రంగా ఉంద‌ని, సినిమా విజ‌య‌వంతం కావాల‌ని ఆకాక్షించారు.

Vv Vinayak

Vv Vinayak

వినాయ‌క్ టీజ‌ర్ విడుద‌ల చేయ‌డం ప‌ట్ల హీరో ర‌మ‌ణ్ ప్రత్యేక కృత‌జ్ఞ‌త‌లు తెలిపారు. ప్ర‌స్తుతం ఈ సినిమా పోస్ట్ ప్రొడ‌క్ష‌న్ ప‌నులు జ‌రుపుకుంటుంద‌ని చెప్పిన హీరో.. సినిమా టైటిల్‌ను చూసి ఇదేదో ఓ వ‌ర్గానికి సంబంధించిన సినిమా అనో, మ‌రో వ‌ర్గాన్ని కించ ప‌రిచే సినిమా అనో అనుకోకండని తెలిపారు. సినిమా చూస్తే టైటిల్ ఎందుకు పెట్టామో అర్థ‌మ‌వుతుంద‌ని చెప్పుకొచ్చారు. ఇక త‌న త‌దుప‌రి చిత్రాల గురించి చెప్పిన ర‌మ‌ణ్‌.. `నేను హీరోగా యాక్ట్ చేస్తున్న రెండో సినిమా పూర్తి కావ‌చ్చింది. మ‌రో రెండు సినిమాలు వ‌చ్చే నెల‌లో సెట్స్‌పైకి వెళ్ల‌నున్నాయి. అలాగే ఓ పాన్ ఇండియా మూవీని కూడా చ‌ర్చ‌ల ద‌శ‌లో ఉంది’అని చెప్పుకొచ్చారు. ద‌ర్శ‌కుడు ఎం. ర‌మేస్‌, గోపి మాట్లాడుతూ.. ‘రెడ్డిగారింట్లో రౌడీయిజం’ సినిమా ఔట్ పుట్ బాగా వచ్చింది. పోస్ట్ ప్రొడక్షన్ కార్యక్రమాలు జరుగుతున్నాయి. ఎ.కె.ఆనంద్ సినిమాటోగ్రఫీ చాలా బావుంది` అని చెప్పుకొచ్చారు.

ఇక టీజ‌ర్‌ను గ‌మనిస్తే.. అగ్ర కులానికి చెందిన అమ్మాయి, త‌క్కువ కులానికి చెందిన అబ్బాయి మ‌ధ్య ప్రేమ క‌థ నేప‌థ్యంలో తెర‌కెక్కించ‌నట్లు క‌నిపిస్తోంది. `డ‌బ్బున్న వారు ప్రేమ పెళ్లి చేసుకుంటే ఆద‌ర్శం అంటారు.. అదే పేద‌వారు చేసుకుంటే మాత్రం చంపేస్తారా`? అని హీరో ప‌లికే డైలాగ్ సినిమాపై ఆస‌క్తిని రేకెత్తిస్తోంది. ప్ర‌స్తుతం పోస్ట్ ప్రొడ‌క్ష‌న్ ప‌నుల్లో బిజీగా ఉన్న సినిమాను త్వ‌ర‌లోనే విడుద‌ల చేయ‌నున్నారు.

Also Read: Viral Pic: పిక్‌నిక్‌ని ఎంజాయ్ చేస్తున్న పిచ్చుక, ఉడుత.. మంచు వర్షంలో హాయిగా కూర్చుని..

Prabhas Salar: డ‌బుల్ ధ‌మాకా.. ఒక్క‌టి కాదు రెండు. పాన్‌ ఇండియా చిత్రాల న‌యా ట్రెండ్.. ప్ర‌భాస్‌కూడా అదే బాట‌లో.?

Seaplane: బైక్ ఇంజన్ తో ‘సీప్లేన్’ తయారు చేసిన అస్సాం వాసి… కల నెరవేరిందని హ్యాపీ !

Click on your DTH Provider to Add TV9 Telugu