Viral Pic: పిక్‌నిక్‌ని ఎంజాయ్ చేస్తున్న పిచ్చుక, ఉడుత.. మంచు వర్షంలో హాయిగా కూర్చుని..

Viral Pic: ప్రకృతి అందాలను వర్ణించడం సాధ్యమా అంటే సాధ్యం కాదనే చెప్పాలి. ఎందుకంటే అంతటి అందం ప్రకృతి సొంతం. ప్రకృతి సోయగాలను..

Viral Pic

Shiva Prajapati |
Updated on: Jun 24, 2021 | 4:59 PM

Viral Pic: ప్రకృతి అందాలను వర్ణించడం సాధ్యమా అంటే సాధ్యం కాదనే చెప్పాలి. ఎందుకంటే అంతటి అందం ప్రకృతి సొంతం. ప్రకృతి సోయగాలను చూసి ఎవరైనా సరే మైమరిచిపోతారనడంలో అతిశయోక్తి లేదు. జీవితంలో ఎలాంటి టెన్షన్స్, ఒత్తిళ్లు ఉన్నా.. ప్రకృతిలో కాసేపు సేదతీరితే చాలు.. చాలా రిలాక్స్‌డ్‌గా ఉంటుంది. అందుకే చాలా మంది విహార యాత్రలకు వెళ్తుంటారు. ప్రకృతిని ఆస్వాధిస్తుంటారు. ప్రకృతికి సంబంధించిన ఫోటోలు కూడా ఎంతగానో ఆకట్టుకుంటాయి. ఆ ఫోటోలను చూసినా మనసు ఆహ్లాదకరంగా ఉంటుంది. ముఖ్యంగా స్మార్ట్ ఫోన్లు వచ్చాక.. ప్రతీ ఒక్కరూ ఫోటోగ్రాఫర్లుగా మారారు. డిఫరెంట్‌గా కనిపించడమే ఆలస్యం తమ కెమెరాలలో బంధించేస్తున్నారు.

ఇదిలాఉంటే.. నేచర్‌కు సంబంధించిన ఫోటోలు సోషల్ మీడియాలో తెగ వైరల్ అవుతున్నాయి. తాజాగా అలాంటి అందమైన ఫోటో ఒకటి ట్విట్టర్‌లో చెక్కర్లు కొడుతుంది. ఆ ఫోటోను చూస్తే వావ్ అనిపిస్తుంది. @hopkinsBRFC21 పేరుతో ఉన్న ట్విట్టర్ యూజర్.. ఒక పక్షి, ఉడుత కలిసి ఉన్న ఫోటోను షేర్ చేశాడు. దానికి ‘పిక్‌నిక్ విత్ ఫ్రెండ్స్’ అని క్యాప్షన్ పెట్టాడు. ఈ ఫోటోలో చెన్న సైజు డైనింగ్ టేబుల్‌పై ఓ పక్షి, ఉడుత హాయిగా కూర్చున్నాయి. ఆ డైనింగ్ టేబుల్‌పై ఉన్న ఆహార పదార్థాలను ఉడుత, పక్షి కలిసి తినడం ఆ ఫోటోలో చూడవచ్చు. ఈ రెండు మంచి స్నేహితుల వలే ఎదురెదురుగా కూర్చుని ఫుడ్ లాగించేస్తూ ఎంజాయ్ చేశాయి. ఇక్కడ మరో ఆహ్లాదకరం ఏంటంటే.. ‘‘మంచు కురిసే వేళలో మల్లె విరిసేదెందుకో.. మల్లె విరిసే మంచులో మనసు మురిసేదెందుకో..’’ అని పాడుకుంటున్నట్లుగా పై నుంచి మంచు కురుస్తుండగా ఈ రెండు కలిసి ఆహారం తినడం సూపర్ అని చెప్పాలి. ఈ అద్భుతమైన పిక్‌ ఇప్పుడు సోషల్ మీడియాలో తెగ చక్కర్లు కొడుతోంది. ఈ పిక్‌ను చూసి నెటిజన్లు ఫిదా అయిపోతున్నారు. ‘వాట్ ఏ బ్యూటీఫుల్ పిక్’ అని కామెంట్స్ పెడుతున్నారు. ‘ఆ రెండూ చూడముచ్చటగా ఉన్నాయి’ అంటూ మరికొందరు రియాక్ట్ అయ్యారు. ఈ ఫోటోకు వేలకొలది లైక్స్ రావడమే కాకుండా.. వందల మంది రీట్వీట్లు చేశారు.

Viral Pic: