World of Euphoria: డైరెక్టర్ గుణశేఖర్ కొత్త సినిమా ‘యుఫోరియా’.. ఆకట్టుకుంటున్న గ్లింప్స్..
ఇప్పుడు ‘యుఫోరియా’ అనే యూత్‌ఫుల్ సోషల్ డ్రామాని తెరకెక్కిస్తున్నారు. ఈ చిత్రాన్ని గుణ హ్యాండ్‌మేడ్ ఫిలిమ్స్ బ్యాన‌ర్‌పై నీలిమ గుణ నిర్మించారు. ఇందులో విఘ్నేష్, లిఖిత, పృథ్వీ, శ్రీనిక ప్రధాన పాత్రలు పోషిస్తుండగా.. భూమిక ముఖ్య పాత్రను పోషించారు. తాజాగా ఈ మూవీ గ్లింప్స్‌ను ప్రముఖ నిర్మాత దిల్ రాజు, కే ఎల్ దామోదర ప్రసాద్ విడుదల చేశారు.
సెన్సేషనల్ డైరెక్టర్ గుణశేఖర్ దర్శకత్వం వహిస్తున్న లేటేస్ట్ మూవీ ‘యుఫోరియా’. కొన్నాళ్లుగా ఈ మూవీ షూటింగ్ శరవేగంగా జరుగుతుంది. ఇప్పటివరకు టాలీవుడ్ ఇండస్ట్రీలో వైవిధ్యమైన సినిమాలు, భారీ చిత్రాలను తెరకెక్కించటంలో సెన్సేషనల్ డైరెక్టర్ గుణశేఖర్‌కు ఓ ప్రత్యేక స్థానం ఉందన్న సంగతి తెలిసిందే. కొద్ది రోజుల క్రితం శాకుంతలం సినిమాతో ప్రేక్షకులను అలరించిన ఆయన.. ఇప్పుడు ‘యుఫోరియా’ అనే యూత్‌ఫుల్ సోషల్ డ్రామాని తెరకెక్కిస్తున్నారు. ఈ చిత్రాన్ని గుణ హ్యాండ్‌మేడ్ ఫిలిమ్స్ బ్యాన‌ర్‌పై నీలిమ గుణ నిర్మించారు. ఇందులో విఘ్నేష్, లిఖిత, పృథ్వీ, శ్రీనిక ప్రధాన పాత్రలు పోషిస్తుండగా.. భూమిక ముఖ్య పాత్రను పోషించారు. తాజాగా ఈ మూవీ గ్లింప్స్‌ను ప్రముఖ నిర్మాత దిల్ రాజు, కే ఎల్ దామోదర ప్రసాద్ విడుదల చేశారు.
సోమవారం నిర్వహించిన ప్రత్యేక కార్యక్రమంలో ఈ చిత్రానికి సంబంధించిన గ్లింప్స్‌ను విడుదల చేశారు ప్రముఖ నిర్మాత దిల్ రాజు. ఈ సందర్భంగా దిల్ రాజు మాట్లాడుతూ.. ‘గుణ శేఖర్ గారి మొదటి చిత్రం లాఠీ. ఆ మూవీ ఇప్పటికీ చాలా ఫ్రెష్‌గా ఉంటుంది. ఇప్పటివరకు ఇండస్ట్రీలో ఆయన ఎన్నో సక్సెస్‌లు చూశారు. అలాగే ఫెయిల్యూర్స్ కూడా చూశారు. కానీ ఆ ఫెయిల్యూర్స్ తరువాత వచ్చే సక్సెస్, అది ఇచ్చే కిక్కు వేరేలా ఉంటుంది. యుఫోరియా గ్లింప్స్ అదిరిపోయింది. ప్రస్తుత ట్రెండ్‌కు తగ్గట్టుగా ఉంది. నైట్ లైఫ్, డ్రగ్స్ ఇలా ప్రస్తుత యువతకు కనెక్ట్ అయ్యే సినిమా. ఈ చిత్రంలో అందరూ కొత్త వాళ్లే నటిస్తున్నారు. ఈ మూవీ పెద్ద హిట్ అవ్వాలని కోరుకుంటున్నాను’ అని అన్నారు.
గుణశేఖర్ మాట్లాడుతూ.. ‘యుఫోరియా సినిమా అంతా కొత్త వారితో చేశాను. ఇందులో తొంభై శాతం అంతా కొత్త వాళ్లే కనిపిస్తారు. కథను ఆధారంగా చేసుకుని ఈ ఫిల్మ్ చేశాను. ఏడాదిన్నర క్రితం ప్రాజెక్ట్ అనుకున్నాం. అందుకు ఆరు నెలలు ప్రీ ప్రొడక్షన్ చేశాం. వీళ్లందరినీ ఆడిషన్స్ చేసి.. వర్క్ షాపులు చేసి షూటింగ్‌కు వెళ్లాం. ఇప్పటి వరకు అరవై శాతం షూట్ పూర్తయింది. యుఫోరియా అంటే ఏంటి? అనేది జనాలకు పరిచయం చేయడానికి ఈ గ్లింప్స్‌ను రిలీజ్ చేశాం. ఓ రెండు ఘటనలు నన్ను కదిలించాయి. ప్రతీ వారం అలాంటి ఘటనలే జరుగుతున్నాయి. ఇప్పుడున్న టైంలో ఇలాంటి కథను చెప్పాలని అనిపించింది. కథను రాస్తున్న కొద్దీ.. సమాజంలో ఇలాంటి ఘటనలు జరుగుతూనే వచ్చాయి. ఈ కథ అనుకున్న తరువాత నీలిమకు చెప్పాను. ఇప్పుడు ట్రెండ్‌కు తగ్గట్టుగా ఉందని నా కూతురు చెప్పింది. యూత్‌కు యూత్‌తో చెప్పాల్సిన కథ అని అన్నారు. వాళ్లు కూడా ఇన్ పుట్స్ ఇచ్చారు. మంచి కంటెంట్‌తో వస్తే స్టార్ హీరో ఉన్నాడా? ఏ భాషలో వచ్చింది? అనేది ఆడియెన్స్ చూడటం లేదు. కథ బాగుంటే ఆడియెన్స్ ఆదరిస్తున్నారు’ అని అన్నారు.
మరిన్ని సినిమా వార్తల కోసం ఇక్కడ క్లిక్ చేయండి.