Chiranjeevi: చిరు అంటే సీన్ ఇలా ఉంటది.. ఐదుగురు టాప్ డైరక్టర్ల సమక్షంలో మెగాస్టార్ 154వ మూవీ లాంచ్

Chiru 154 Movie

ఒక్క సినిమా ఒపెనింగ్ కోసం.. ఐదుగురు టాప్ డైరెక్టర్లు హాజరయ్యారు. అవును.. మెగా మూవీ లాంఛనంగా షురూ అయింది. మెగాస్టార్‌ 154 మూవీ ఓపెనింగ్‌కు సినీ దిగ్గజాలు హాజరయ్యారు. చిరు మూవీ ఓపెనింగ్‌కు దర్శకేంద్రుడితో సహా ప్రముఖ డైరెక్టర్లు అటెండవడం అభిమానుల్లో హైప్‌ క్రియేట్‌ చేస్తోంది. మెగాస్టార్‌ మరో మూవీకి రెడీ అయిపోయారు. మైత్రీ మూవీస్‌ బ్యానర్‌లో చిరు సినిమా పట్టాలెక్కబోతోంది. ఈ మూవీకి బాబీ దర్శకత్వం వహిస్తుండగా.. ఫస్ట్‌ షాట్‌కు క్లాప్‌ కొట్టారు వీవీ వినాయక్‌.

చిరంజీవికి ఇది 154వ సినిమా. ఈ మూవీ ఫస్ట్‌ షాట్‌ను డైరెక్ట్‌ చేశారు దర్శకేంద్రుడు రాఘవేంద్రరావు. డైరెక్టర్‌ పూరి జగన్నాథ్‌ కెమెరా స్విచ్‌ ఆన్‌ చేశారు. దర్శకుడు బాబీకి స్క్రిప్ట్ అందించారు కొరటాల శివ, హరీష్ శంకర్‌. డిసెంబర్ నుంచి రెగ్యులర్ షూటింగ్ షురూ కానుంది. ఈ సినిమాకు దేవీశ్రీ ప్రసాద్‌ సంగీతం అందిస్తున్నారు.

ఈ సినిమా ఈరోజు లాంఛనంగా స్టార్ట్ అవ్వడమే కాదు.. ఫ్యాన్స్‌కు పిచ్చెక్కించే ఓ మాస్ పోస్టర్‌ను రిలీజ్ చేసింది మూవీ టీమ్. పోస్టర్‌పై అరాచకం ఆరంభం అంటూ పేర్కొన్నారు. ప్రస్తుతం ఈ పోస్టర్ నెట్టింట తెగ ట్రెండ్ అవుతోంది.

Also Read: ఫస్ట్ క్లాస్ ఆలుగడ్డలు అనుకోకండి.. అసలు యవ్వారం వేరే ఉంది.. పక్కా స్కెచ్