Tollywood: ఆ ఒక్క డైలాగ్‏తో నెట్టింట తెగ ఫేమస్.. ఈ యంగ్ హీరో సతీమణి ఎవరో గుర్తుపట్టారా.?

చిన్నారి పెళ్లి కూతురు గెటప్‏లో ఎంతో అమాయకంగా కనిపిస్తున్న అమ్మాయిని గుర్తుపట్టారా.. ? హీరోయిన్.. కానీ అంతగా ప్రేక్షకులకు పరిచయం లేదు. చేసింది తక్కువ సినిమాలే అయినప్పటికీ మంచి క్రేజ్ సొంతం చేసుకుంది. ఇప్పుడు సినిమాలను పక్కనపెట్టి వైవాహిక జీవితంలోకి అడుగుపెట్టింది.

Actress

Rajitha Chanti |
Updated on: Nov 09, 2024 | 3:18 PM

సాఫ్ట్ వేర్ అమ్మాయి.. అయినా నటనపై ఆసక్తితో సినిమా రంగంలోకి అడుగుపెట్టింది. మొదటి సినిమాతోనే మంచి క్రేజ్ సొంతం చేసుకుంది. అందం, అభినయంతో కట్టిపడేసింది. తొలి మూవీతోనే కుర్రాళ్ల హృదయాలను కొల్లగొట్టింది. అలాగే ఓ యంగ్ హీరోను ప్రేమించి ఇటీవలే పెళ్లి పీటలెక్కింది. ఇంతకీ ఆ హీరోయిన్ ఎవరో గుర్తుపట్టరా.. ? తన మొదటి సినిమాలో హీరోగా నటించిన అబ్బాయితోనే ప్రేమలో పడింది. ఐదేళ్లుగా తమ ప్రేమ విషయాన్ని రహస్యంగానే పెట్టి.. ఇటీవలే గ్రాండ్ గా వివాహం చేసుకుంది. తను ఎవరో కాదండి.. హీరోయిన్ రహస్య గోరఖ్. టాలీవుడ్ యంగ్ హీరో కిరణ్ అబ్బవరం సతీమణి. ఈ ఏడాది ఆగస్ట్ 22న వీరిద్దరి వివాహం జరిగింది. కర్ణాటకలోని కూర్గ్ లో వీరి వివాహ వేడుక గ్రాండ్ గా జరిగింది.

కిరణ్ అబ్బవరం ఇటీవలే క సినిమాతో సూపర్ హిట్ అందుకున్న సంగతి తెలిసిందే. కొన్నాళ్లుగా వరుస ప్లాపులతో సతమతమవుతున్న కిరణ్.. క మూవీతో మళ్లీ ఫాంలోకి వచ్చాడు. ఈ సినిమాకు మొదటి రోజు నుంచే పాజిటివ్ రివ్యూస్ వస్తున్నాయి. ముఖ్యంగా ఈ చిత్రంలోని క్లైమాక్స్ అదిరిపోయిందంటూ కామెంట్స్ చేస్తున్నారు అడియన్స్. అయితే ఈ సినిమా ప్రీ రిలీజ్ ఈవెంట్లో తన స్పీచ్ తో స్పెషల్ అట్రాక్షన్ అయ్యింది రహస్య గోరఖ్. “మా ఆయన కోసం ఈ సినిమా చూడండి” అంటూ ఎంతో క్యూట్ గా రిక్వెస్ట్ చేసింది. ఇక రహస్యకు సంబంధించిన ఆ వీడియో నెట్టింట తెగ వైరలయ్యింది.

రహస్య, కిరణ్ ఇద్దరూ సాఫ్ట్ వేర్ ఇంజనీర్లే. కానీ నటనపై ఆసక్తితో సినిమాల్లోకి అడుగుపెట్టారు. రాజావారు రాణిగారు సినిమాతో హీరోహీరోయిన్లుగా తెలుగు తెరకు పరిచయమయ్యారు. ఈ సినిమాకు మంచి రెస్పాన్స్ వచ్చింది. అలాగే కిరణ్, రహస్య జోడిగా సెపరేట్ ఫ్యాన్స్ బేస్ ఏర్పడింది.