Siri Hanmanth-Shrihan: పెళ్లికి ముందే చిన్నారిని దత్తత తీసుకున్న సిరి హన్మంతు- శ్రీహాన్.. ‘త్వరలోనే బిగ్ సర్‌ప్రైజ్’ అంటూ..

సిరి హన్మంత్- శ్రీహాన్.. తెలుగు ఆడియెన్స్ కు ఈ లవ్ బర్డ్స్ గురించి ప్రత్యేక పరిచయం అవసరం లేదు. యూట్యూబ్ వీడియోలు, కవర్ సాంగ్స్, షార్ట్ ఫిల్మ్స్, ఇన్ స్టా గ్రామ్ రీల్స్ తో వీళ్లిద్దరు బాగా ఫేమస్ అయ్యారు. ఇన్నేళ్లు రిలేషన్ షిప్‌లో ఉన్న ఈ ప్రేమ పక్షులు త్వరలోనే పెళ్లి చేసుకోనున్నారని సమాచారం.

Siri Hanumanthu, Shrihan

Basha Shek |

Updated on: Dec 07, 2024 | 3:40 PM

టాలీవుడ్ బుల్లితెర ప్రేమ పక్షులు సిరి హన్మంత్- శ్రీహాన్ ఎన్నో ఏళ్లుగా ప్రేమలో ఉన్నారు. అప్పుడప్పుడు ఇద్దరి మధ్య అలకలు వచ్చినా మళ్లీ ఇట్టే కలిసిపోయారీ లవ్ బర్డ్స్. ముఖ్యంగా బిగ్ బాస్ తెలుగు సీజన్ 6 లో సిరి హన్మంతు కాస్త ఓవర్ యాక్షన్ చేసినట్లు అనిపించింది. తోటి కంటెస్టెంట్ షణ్ముఖ్ జస్వంత్ తో లిమిట్స్ దాటి ప్రవర్తించింది. దీంతో సిరి- శ్రీహాన్ ల ప్రేమ బంధం అటకెక్కినట్టేనని ప్రచారం జరిగింది. అయితే అదేమీ జరగలేదు. పైగా వీరి ప్రేమ బంధం మరింత బలపడింది. ఎన్నో ఏళ్లుగా రిలేషన్ షిప్‌లో ఉన్న వీరిద్ద‌రు ఎప్పుడు పెళ్లి చేసుకుంటారు? అని సినీ అభిమానులు ఆసక్తిగా ఎదురు చూస్తున్నారు. అప్పుడప్పుడు శ్రీహాన్- సిరిల పెళ్లి వార్తలు వినిపించినా అవి పుకార్లు గానే మిగిలిపోయాయి. ఇక వీరు కూడా పలు సందర్భాల్లో తమ పెళ్లిపై ఓపెన్ గానే మాట్లాడారు. ‘త్వరలోనే శుభవార్త’ అన్నారు కానీ టైమ్ మాత్రం చెప్పడం లేదు. ఇదిలా ఉంటే పెళ్లికాక ముందే.. సిరి హన్మంతు- శ్రీహాన్ ఓ బాబును ద‌త్త‌త తీసుకుని పెంచుకుంటున్నారు.

ఈ నేపథ్యంలో సిరి హన్మంత్- శ్రీహాన్ అతి త్వరలోనే పెళ్లి చేసుకోనున్నారని ప్రచారం జరుగుతోంది. ఈసారి వెడ్డింగ్ వెన్యూ కూడా బాగా వినిపిస్తోంది. వైజాగ్ వేదికగా ఈ ప్రేమ పక్షులు పెళ్లిపీటలెక్కనున్నారని రూమర్లు వినిపిస్తున్నాయి. అందుకు తగ్గట్టే వీరిద్దరూ సోషల్ మీడియాలో ఫొటోలు తెగ షేర్ చేస్తున్నారు. ‘హాయ్ ఫ్రెండ్స్.. మీ నిరీక్షణ ముగిసింది. గతంలో ఒక సర్ప్రైజ్ ఉందని చెప్పాము కదా.. దానికి సమయం వచ్చేసింది. త్వరలోనే ఓ పెద్ద న్యూస్ ను రివీల్ చేయబోతున్నాం’ అంటూ తమ సోషల్ మీడియా ఖాతాల్లో పోస్ట్ చేశారీ లవ్ బర్డ్స్.

ఇవి కూడా చదవండి

నెట్టింట వైరలవుతోన్న పోస్ట్ ఇదే..

View this post on Instagram

A post shared by Siri Shrihan & Vizag ?? (@siri_shrihan_vizag)

ప్రస్తుతం ఈ పోస్ట్ సామాజిక మాధ్యమాల్లో వైరల్ గా మారింది. శ్రీహాన్, సిరిహన్మంతు అతి త్వరలోనే తమ పెళ్లి విషయాన్నిఅధికారికంగా ప్రకటించనున్నట్లు తెలుస్తోంది.