Samyuktha menon: సంయుక్తను సైతం వదలని ఫేక్ రాయుళ్లు.. అది నా అకౌంట్ కాదంటూ..
సోషల్ మీడియా (Soical Media) అందుబాటులోకి వచ్చిన తర్వాత సెలబ్రిటీలకు, సామాన్యులకు మధ్య దూరం తగ్గిపోయింది. సినీ తారలు..
Samyuktha menon: సోషల్ మీడియా (Soical Media) అందుబాటులోకి వచ్చిన తర్వాత సెలబ్రిటీలకు, సామాన్యులకు మధ్య దూరం తగ్గిపోయింది. సినీ తారలు నేరుగా తమ వివరాలను అభిమానులతో పంచుకునే అవకాశం లభించింది. దీంతో అభిమానులు సైతం పెద్ద ఎత్తున ఫాలో అవుతున్నారు. ఈ నేపథ్యంలో కొందరు కేటుగాళ్లు సెలబ్రిటీల పేరుతో ఫేక్ అకౌంట్స్ను క్రియేట్ చేస్తున్నారు. దీంతో ఈ ఫేక్ అకౌంట్లకు సైతం వేలల్లో ఫాలోవర్స్ పెరుగుతున్నారు. ఇప్పటికే చాలా మంది సినీ తారల పేరుతో ఫేక్ అకౌంట్స్ క్రియేట్ అయిన విషయం తెలిసిందే. తాజాగా ఈ జాబితాలోకి మలయాళీ ముద్దుగుమ్మ సంయుక్తీ మీనన్ కూడా వచ్చి చేరింది.
పవన్ కళ్యాణ్ (Pawan Kalyan) హీరోగా తెరకెక్కిన భీమ్లా నాయక్ సినిమా ద్వారా తెలుగు తెరకు పరిచయమైన అందాల తార సంయుక్త తన నటనతో మంచు మార్కులు కొట్టేసింది. ఈ సినిమాలో రానాతో జతకట్టిన సంయుక్త తన యాక్టింగ్తో ఫిదా చేసింది. దీంతో ఈ అమ్మడు తెలుగులో వరుస ఆఫర్లను దక్కించుకుంది. ఈ సమయంలోనే సంయుక్తకు సోషల్ మీడియాలోనూ ఫాలోయింగ్ పెరిగింది.
దీనిని క్యాష్ చేసుకోవడానికే కొందరు సంయుక్త పేరుతో ఫేక్ ట్విట్టర్ అకౌంట్ను రన్ చేస్తున్నారు. ఈ అకౌంట్కి ఏకంగా 70 వేలకిపైగా ఫాలోవర్లు దక్కడం గమనార్హం. దీంతో ఈ విషయాన్ని గమనించిన సంయుక్త తన అభిమానులను అలర్ట్ చేసింది. అది తన అకౌంట్ కాదని, ఒక అలర్ట్ మెసేజ్తో కూడిన ఫోటోను పోస్ట్ చేసింది సంయుక్త. ప్రస్తుతం ఈ పోస్ట్ నెట్టింట వైరల్గా మారింది.