Akhanda Title Song: బాలయ్య అభిమానులకు మాస్ కిక్.. అలరిస్తోన్న అఖండ టైటిల్ సాంగ్..
నందమూరి బాలకృష్ణ, మాస్ డైరెక్టర్ బోయపాటి శీనుల కాంబినేషన్లో తెరకెక్కుతోన్న చిత్రం 'అఖండ'. ప్రగ్యాజైస్వాల్ హీరోయిన్గా నటిస్తోంది. శ్రీకాంత్, పూర్ణ ప్రధాన పాత్రలు పోషిస్తున్న ఈ సినిమాను మిర్యాల రవీందర్ రెడ్డి తెరకెక్కిస్తున్నారు...
Updated on: Nov 08, 2021 | 1:31 PM
నందమూరి బాలకృష్ణ, మాస్ డైరెక్టర్ బోయపాటి శీనుల కాంబినేషన్లో తెరకెక్కుతోన్న చిత్రం ‘అఖండ’. ప్రగ్యాజైస్వాల్ హీరోయిన్గా నటిస్తోంది. శ్రీకాంత్, పూర్ణ ప్రధాన పాత్రలు పోషిస్తున్న ఈ సినిమాను మిర్యాల రవీందర్ రెడ్డి తెరకెక్కిస్తున్నారు. ఈ చిత్రానికి సంబంధించి ఇప్పటివరకు విడుదల చేసిన రెండు వీడియోలు, టైటిల్ సాంగ్ టీజర్కు అభిమానుల నుంచి పెద్ద ఎత్తున స్పందన వచ్చిన సంగతి తెలిసిందే. ముఖ్యంగా దీపావళి సందర్భంగా విడుదలైన టైటిల్ సాంగ్ టీజర్ యూట్యూబ్లో రికార్డులు సృష్టిస్తోంది. కాగా తాజాగా ఈ పాట పూర్తి లిరికల్ వీడియోను విడుదల చేసింది చిత్ర బృందం.
‘భం…అఖండ’ అనే లిరిక్స్తో సాగిపోయే ఈ సాంగ్ నందమూరి అభిమానులకు మంచి మాస్ కిక్ ఇచ్చేలా ఉంది. ముఖ్యంగా పాటలో బాలయ్య వాకింగ్ స్టైల్, బాడీ లాంగ్వేజ్ స్పెషల్ అట్రాక్షన్గా నిలుస్తున్నాయి. ప్రముఖ గేయ రచయిత అనంత శ్రీరామ్ రాసిన ఈ పాటను శంకర్ మహదేవన్, సిద్ధార్థ్ మహదేవన్, శివమ్ మహదేవన్ అద్భు్తంగా ఆలపించారు. తమన్ సంగీత సారథ్యం వహించారు. ‘సింహా’, ‘లెజెండ్’ వంటి హిట్ సినిమాల తర్వాత బాలయ్య- బోయపాటి కాంబినేషన్లో రూపొందుతున్న హ్యాట్రిక్ సినిమా ఇది. దీంతో నందమూరి అభిమానులు ఈ చిత్రంపై భారీ అంచనాలు పెట్టుకున్నారు.
Also read:
Entertainment: డేగల బాబ్జీ వచ్చేశాడు.. యాభై దెయ్యాలు బెదిరిస్తున్నాయంటున్న బండ్ల గణేష్ ..
Entertainment: ఈ వారం థియేటర్/ఓటీటీల్లో అలరించనున్న సినిమాలివే..
