Allu Sirish : శరవేగంగా ‘ప్రేమ కాదంట’ మూవీ షూటింగ్.. డబ్బింగ్ కూడా మొదలుపెట్టేసిన అల్లు శిరీష్..

Allu Sirish : మెగా ఫ్యామిలీని నుంచి ఇప్పటికే చాలా మంది హీరోలు ఎంట్రీ ఇచ్చిన విషయం తెలిసిందే.. అలా వచ్చిన హీరోల్లో దాదాపు అందరు సక్సెస్ సాధించారు. అయితే అల్లు శిరీష్ విషయంలో మాత్రం కాస్త సస్సెస్ కాస్త డిలే అవుతూ వస్తోంది. ఈ కుర్రహీరో సాలిడ్ హిట్ కోసం చాలా కాలంగా ఎదురుచూస్తోన్నాడు. గౌరవం సినిమాతో హీరోగా పరిచయమైన శిరీష్.. ఆతర్వాత వరుసగా సినిమాలు చేస్తూ వస్తోన్నాడు. అయితే చేసిన అన్ని సినిమాల్లో ‘శ్రీరస్తు శుభమస్తు’ సినిమా కాస్త పర్లేదు అనిపించుకుంది. ఈ సినిమా తర్వాత మళ్ళీ షరామామూలే.. ఈక్రమంలోనే ఇప్పుడు ‘ప్రేమ కాదంట’ అనే సినిమా చేస్తున్నాడు ఈ యంగ్ హీరో. ‘విజేత’ ‘జత కలిసే’ ఫేమ్ రాకేష్ శశి ఈ చిత్రానికి దర్శకత్వం వహిస్తున్నారు. ఈ మూవీలో శిరీష్ కు జోడీగా అందాల భామ అను ఇమ్మాన్యుయేల్ నటిస్తోంది.

ఇప్పటికే విడుదలైన ఈ సినిమా పోస్టర్యూ ఆకట్టుకున్నాయి. ఇక ఈ సినిమా షూటింగ్ కూడా శరవేగంగా జరుగుతోంది. దాదాపు ఈ సినిమా షూటింగ్ చివరిదశకు వచ్చేసిందట.. అలాగే ఈ సినిమాకు సంబంధించిన పోస్ట్ ప్రొడక్షన్ కార్యక్రమాలు కూడా ఏకకాలంలో జరుగుతోన్నాయి. ఈ క్రమంలోనే అల్లు శిరీష్ సోషల్ మీడియా వేదికగా ”ప్రేమ కాదంట” సినిమాకు సంబంధించిన డబ్బింగ్ పనులు జరుగుతున్నట్లు వెల్లడించాడు. అల్లు అరవింద్ సమర్పణలో జీఏ2 పిక్చర్స్- శ్రీ తిరుమల ప్రొడక్షన్ ప్రైవేట్ లిమిటెడ్ బ్యానర్స్ పై ‘ప్రేమకాదంట’ సినిమా రూపొందుతోంది. బన్నీ వాస్ నిర్మిస్తున్న ఈ చిత్రానికి బాబు – ధీరజ్ మోగిలినేని సహ నిర్మాతలుగా వ్యవహరిస్తున్నారు. అనూప్ రూబెన్స్ ఈసినిమాకు సంగీతాన్ని అందిస్తోన్నారు. ఈ సినిమా సక్సెస్ పై చిత్రయూనిట్ ధీమాగా ఉన్నారు.

మరిన్ని ఇక్కడ చదవండి :

Nithya Menon: పవన్‌ – రానా సినిమాలో నిత్యామీనన్‌.. పవన్‌కు భార్యగా నటించనున్న మలయాళం ముద్దుగుమ్మ.?

Rahul Sipligunj: రాహుల్ సిప్లిగంజ్ ఫన్నీ వీడియో.. వ్యక్తిపై నీళ్లు చల్లుతూ..

Anasuya: వెండితెరపై అనుసూయ హవా.. మరో సినిమాలో వినూత్నమైన పాత్రలో…