Pushpa: బాక్సాఫీస్ దుమ్ముదులిపి.. ఓటీటీ లెక్కలు మార్చేందుకు సిద్ధమైన ‘పుష్ప’రాజ్.. అమెజాన్ ప్రైమ్‌లో నేటినుంచే..

Pushpa

Pushpa In OTT: అల్లు అర్జున్(Allu Arjun)-సుకుమార్(Sukumar) కాంబినేషన్ లో వచ్చిన బ్లాక్ బస్టర్ సినిమా పుష్ప: ది రైజ్‌’ (Pushpa ).. బాక్సాఫీస్ లెక్కలు మార్చిన సంగతి తెలిసిందే. ఈ ఇద్దరి కాంబోలో వచ్చిన హ్యాట్రిక్ మూవీగా మరో భారీ హిట్ కొట్టిన సంగతి తెలిసిందే. పాన్ ఇండియా సినిమా తీర్చిదిద్దిన ఈ సినిమా విడుదలైన అన్నీ భాషల్లో విపరీతమైన రెస్పాన్స్ అందుకున్న సంగతి తెలిసిందే. ఊర మాస్ లుక్‌లో సందడి చేసిన స్టైలిష్ స్టార్ అల్లు అర్జున్.. తన నటనతో ఆకట్టుకున్నాడు. ఎర్ర చందనం స్మగ్లింగ్ నేపథ్యంగా సాగిన ఈ చిత్రంలో రష్మిక మందన్న ఫీమేల్ లీడ్‌ పోషించింది.

అతి తక్కువ సమయంలోనే రూ. 300 కోట్ల ట్రేడ్ మార్క్‏ను దాటేసిన ఈ సినిమా.. థియేటర్లలో తనసత్తా చాటింది. అయితే తాజాగా పుష్ప సినిమా ఓటీటీలో నేటి నుంచి ప్రసారం కానుంది. జనవరి 7న అంటే శుక్రవారం రాత్రి 8 నుంచి పుష్ప సినిమా అమెజాన్ ప్రైమ్‏లో స్ట్రీమింగ్ కానుంది.

అమెజాన్ ప్రైమ్ ఈ సినిమా ఓటీటీ కోసం భారీ మొత్తంలో ఖర్చు చేసినట్లు తెలుస్తోంది. కేవలం సౌత్ లాంగ్వేజ్ ల కోసం రూ.22 కోట్లు చెల్లించిందని టాక్ నడుస్తోంది. ఇక హిందీ రైట్స్ కోసం రూ. 8 నుంచి రూ. 10 కోట్ల వరకు ఖర్చు చేయనున్నట్లు వార్తలు వినిపిస్తున్నాయి. మొత్తంగా ‘పుష్ప’రాజ్ కోసం అమెజాన్ ప్రైమ్ రూ. 30 కోట్ల వరకు ఖర్చు చేసినట్లు తెలుస్తోంది.

Also Read: Swara Bhasker: బాలీవుడ్ నటి స్వర భాస్కర్‌కు కరోనా.. డబుల్ మాస్క్ ధరించాలంటూ..

Seerat Kapoor: బక్కిచిక్కిపోయిన బుజ్జిమా.. ఎందుకిలా తయారయ్యావంటూ ట్రోల్‌ చేస్తోన్న నెటిజన్లు..