Samantha: రెబల్ స్టార్ ప్రభాస్ సినిమాలో అక్కినేని సమంత.. అభిమానులకు పండగే..

Samantha: అక్కినేని సమంత పెళ్ళైన తర్వాత ఆచితూచి సినిమాలను ఎంచుకుంటోంది. పెళ్లయి నాలుగేళ్లవుతున్నా ఈ ముద్దుగుమ్మకు ఇంకా అవకాశాలు వస్తూనే వున్నాయి. ఇప్పటికే కొన్ని సినిమాలు, వెబ్ సీరీస్‌‌లు చేస్తోంది సమంత. ఇటీవలే ఫ్యామిలీ మెన్ 2 వెబ్ సిరీస్‌‌‌తో ప్రేక్షకుల ముందుకు వచ్చింది. ఇక తాజాగా ఈ ముద్దుగుమ్మకు అదిరిపోయే ఆఫర్ వచ్చిందని ఫిలింనగర్‌‌‌‌లో టాక్ వినిపిస్తోంది. ఇప్పటివరకు టాలీవుడ్ లోని స్టార్స్ అందరి సరసన సమంత నటించింది. కానీ ఈ అమ్మడు ప్రభాస్‌‌‌‌కు జోడిగా మాత్రం నటించలేదు. ప్రభాస్ సమంత కలిసి నటించాలని అటు డార్లింగ్ అభిమానులు, ఇటు సమంత ఫ్యాన్స్ ఎప్పటినుంచో ఎదురుచూస్తున్నారు. ఇప్పుడు ఆ సమయం రానే వచ్చిందని తెలుస్తోంది. ప్రభాస్ సినిమాలో సమంత నటిస్తోందన్న వార్త ఇప్పుడు హల్‌‌‌చల్ చేస్తోంది.

మహానటి ఫెమ్ నాగ్‌‌‌అశ్విన్ దర్శకత్వంలో ప్రభాస్ ఓ భారీ బడ్జెట్ సినిమా చేస్తున్న విషయం తెలిసిందే. ప్రాజెక్ట్ కే అనే వర్కింగ్ టైటిల్‌‌‌తో ఈ సినిమా తెరకెక్కుతోంది. ఇటీవలే ఈ సినిమాను ప్రారంభించారు. ప్రస్తుతం హైదరాబాదులో ఈ చిత్రం షూటింగ్ జరుగుతోంది. అయితే ఈ సినిమాలో హీరోయిన్‌‌‌‌గా బాలీవుడ్ బ్యూటీ దీపికా పదుకొనే నటిస్తున్న విషయం అందరికీ తెలిసిందే. అంతే కాదు ఈ సినిమాలో బాలీవుడ్ మెగాస్టార్ అమితాబ్ కూడా నటిస్తున్నారు. అయితే ఈ సినిమాలో కీలక పాత్రలో అక్కినేని సమంత నటిస్తుందట. ఇందుకోసం ఇప్పటికే సమంతతో సంప్రదింపులు కూడా జరిపారట. అంతే కాదు ఈ సినిమాలో నటిచాలని సమంత కూడా ఆసక్తిగా ఉందని తెలుస్తోంది. త్వరలోనే దీనిపై క్లారిటీ వచ్చే అవకాశం ఉంది.

మరిన్ని ఇక్కడ చదవండి : 

Taapsee Pannu: అలాంటి సినిమాలు చేయడానికి స్టార్ హీరోలు ముందుకురారు.. సంచలన వ్యాఖ్యలు చేసిన తాప్సీ

Mahesh Babu: అందంలోనే కాదు ఫిట్‌‌‌‌నెస్‌‌‌‌లోనూ సూపర్ స్టారే.. వైరల్ అవుతోన్న మహేష్ వర్కౌట్‌‌‌‌ ఫోటో..

Raashi Khanna: సైకో కిల్లర్‌‌‌గా మారనున్న బాబ్లీ బ్యూటీ.. రాశిఖన్నా నయా వెబ్ సిరీస్