Akhanda 2: తెలుగులో ఆ హీరోలంటే చాలా ఇష్టం.. ‘బజరంగీ భాయిజాన్’ ఫేమ్ హర్షాలి
నందమూరి నటసింహం బాలకృష్ణ నటిస్తోన్న లేటెస్ట్ సినిమా 'అఖండ 2: తాండవం'. డైరెక్టర్ బోయపాటి శీను తెరకెక్కించిన ఈ పాన్ ఇండియా మూవీ డిసెంబర్ 05న ప్రపంచ వ్యాప్తంగా గ్రాండ్ గా విడుదల కానుంది. ఇందులో బజరంగీ భాయిజాన్ ఛైల్డ్ ఆర్టిస్ట్ హర్షాలీ మల్హోత్రా ఓ కీలక పాత్రలో నటిస్తోంది.
Updated on: Dec 02, 2025 | 8:59 PM
గాడ్ ఆఫ్ మాసెస్ నందమూరి బాలకృష్ణ, బ్లాక్ బస్టర్ దర్శకుడు బోయపాటి శ్రీను పవర్ ఫుల్ కొలాబరేషన్ లో వస్తున్న మోస్ట్ అవైటెడ్ డివైన్ యాక్షన్ ఎక్స్ట్రావగాంజా ‘అఖండ 2: తాండవం’. రామ్ ఆచంట, గోపీచంద్ ఆచంట ప్రతిష్టాత్మకంగా నిర్మిస్తున్నారు. ఎం తేజస్విని నందమూరి సగర్వంగా చిత్రాన్ని సమర్పిస్తున్నారు. ఎస్ థమన్ సంగీతం అందించారు. టీజర్, ట్రైలర్ సాంగ్స్ సినిమాపై భారీ అంచనాలు పెంచాయి. ‘అఖండ 2: తాండవం’ 2D, 3D రెండు ఫార్మాట్లలో డిసెంబర్ 5, 2025న ప్రపంచవ్యాప్తంగా గ్రాండ్గా విడుదల కానుంది. ఈ సందర్భంగా ఈ చిత్రంల కీలక పాత్ర పోషించిన హర్షాలి మల్హోత్రా విలేకరుల సమావేశంలో సినిమా విశేషాలని పంచుకున్నారు.
ఈ చిత్రంలో మీ క్యారెక్టర్ ఎలా ఉండబోతుంది?
-చాలా ఎక్సైటింగ్ గా ఉంది. దాదాపు పదేళ్ళు తర్వాత మళ్లీ నేను థియేటర్స్ కి వస్తున్నాను. ఈ చిత్రంలో జనని అనే క్యారెక్టర్ లో కనిపిస్తాను. తను చాలా స్వీట్, కేరింగ్. తనకి అఖండ బ్లెస్సింగ్స్ ఉంటాయి. జనని లైఫ్ ఎప్పుడు డేంజర్ లో ఉన్న అఖండ తనకోసం వస్తారు
బజరంగీ భాయిజాన్ తర్వాత ఈ మధ్యకాలంలో ఏవైనా క్యారెక్టర్స్ వచ్చాయా?
చాలా పాత్రలు వచ్చాయి. అయితే నేను ఒక మంచి పాత్ర కోసం ఎదురు చూశాను. అలాంటి సమయంలో అఖండ2 అవకాశం వచ్చింది. లెజెండరీ నందమూరి బాలకృష్ణ గారితో నటించడం ఒక గొప్ప అవకాశం. నేను ఇలాంటి అవకాశం కోసమే ఎదురు చూశాను.
– మీరు బాలకృష్ణ గారి సినిమాలు చూశారా? నేను బాలకృష్ణ గారి సినిమాలు చూశాను. భగవత్ కేసరి, వీరసింహారెడ్డి, డాకు మహారాజ్, అఖండ ఎలా ఎన్నో సినిమాలు చూశాను. అఖండ అద్భుతంగా అనిపించింది. బోయపాటి గారి డైరెక్షన్ అమేజింగ్.
బాలకృష్ణ గారితో వర్క్ చేయడం ఎలా అనిపించింది? -బాలకృష్ణ గారు వెరీ కూల్. ఒక లెజెండరీ యాక్టర్ తో కలిసి నటించడం అంటే మొదట చాలా నెర్వస్ ఫీల్ అయ్యాను. అయితే ఆయన చాలా కేరింగ్ పర్సన్. నన్ను ఎంతో ప్రోత్సహించారు. ఒక ఫ్యామిలీ మెంబర్ లాగానే చూసుకున్నారు. బాలకృష్ణ గారు వెరీ ఎనర్జిటిక్, అన్ స్టాపబుల్
షూటింగ్లో మీరు ఎదుర్కొన్న చాలెంజెస్ ఏమిటి? -మైనస్ డిగ్రీస్ ఉన్న కొన్ని లొకేషన్స్ లో సూట్ చేసాము. అంత చలి ప్రదేశాలలో షూటింగ్ వెరీ చాలెంజింగ్. అలాగే ఈ సినిమాలో యాక్షన్ స్టంట్స్ కూడా చేశాను.
బజరంగీ భాయిజాన్ తర్వాత వచ్చిన గ్యాప్ లో ఎలా సమయాన్ని గడిపారు? -స్టడీస్ పై ఫోకస్ చేశాను. అలాగే కథక్ నేర్చుకున్నాను. ఒక మంచి అవకాశం కోసం ఎదురు చూస్తున్నప్పుడు ఈ సినిమా రావడం అదృష్టంగా భావించాను.
తెలుగు ఇండస్ట్రీకి రావడం ఎలా అనిపించింది? – చాలా ఆనందంగా ఉంది. నా రెండో సినిమానే తెలుగు సినిమా కావడం, ఒక లెజెండరీ యాక్టర్ తో నటించడం అద్భుతమైన అనుభూతి.
బోయపాటి గారితో పనిచేయడం ఎలా అనిపించింది? -బోయపాటి గారు ఎంతో కేర్ తీసుకున్నారు. షూటింగ్ చేస్తున్నప్పుడు నెర్వస్ గా ఫీల్ అయితే నువ్వు తప్పకుండా చేయగలవని ఎంతో ప్రోత్సహించేవారు. సన్నివేశం పూర్తయిన తర్వాత అద్భుతంగా చేసావని అభినందించేవారు. ఆయన ప్రోత్సాహం నాలో మరింత ఎనర్జీని నింపింది. జననీ పాత్ర కోసం బోయపాటి గారు నన్ను ఎంచుకోవడం నా అదృష్టంగా భావిస్తున్నాను
సల్మాన్ ఖాన్ తో కలిసి నటించిన జ్ఞాపకాలు గుర్తు ఉన్నాయా? -సల్మాన్ ఖాన్ గారితో చాలా అందమైన జ్ఞాపకాలు ఉన్నాయి. మేం టేబుల్ టెన్నిస్ ఆడేవాళ్ళం .చాలా సరదాగా ఉండేది. అలాగే బాలయ్య గారితో కూడా చాలా మంచి ఫన్ మూమెంట్స్ ఉన్నాయి .ఆయన షూటింగ్లో ఎనర్జీ కోసం కషాయం తాగమని చెప్పేవారు. కానీ నాకు అల్లం అంటే ఇష్టం ఉండదు.(నవ్వుతూ) ఆయన ఒక ఫ్యామిలీ మెంబర్ లానే చూసుకున్నారు.
తెలుగులో మీకు ఇష్టమైన స్టార్స్ ఎవరు? -బాలయ్య గారు, అల్లు అర్జున్ గారు, ప్రభాస్ గారు.
మీకు ఎలాంటి క్యారెక్టర్స్, డైరెక్టర్స్ తో పనిచేయాలని ఉంది? -నాకు సంజయ్ లీలా బన్సాలీ గారి సినిమాలో చేయాలని ఉంది. ఆయన హీరోయిన్స్ ని చూపించే విధానం చాలా అద్భుతంగా ఉంటుంది. అలాగే నాకు అన్ని రకాల జానర్స్ చేయాలనీ వుంది. మంచి కాంబినేషన్స్ లో మెయిన్ లీడ్ గా చేయాలని ఉంది. అలాగే ఛాలెంజింగ్ క్యారెక్టర్స్ చేయాలని ఉంది.
