Actress Hariteja: మొదటిసారిగా ‘భూమి’ని అభిమానులకు పరిచయం చేసిన హరితేజ.. తల్లిలా ముద్దుగా ఉందంటున్న ఫ్యాన్స్

Actress Hariteja: నటి, డ్యాన్సర్, యాంకర్ హరితేజ.. ఇటీవల ఓ పండంటి ఆడపిల్లకు జన్మనిచ్చిన సంగతి తెలిసిందే.. సోషల్ మీడియాలో యాక్టివ్ గా ఉండే హరితేజ తాజాగా..

Hariteja

TV9 Telugu Digital Desk | Edited By: Surya Kala|
Updated on: Jul 09, 2021 | 5:50 PM

Actress Hariteja: నటి, డ్యాన్సర్, యాంకర్ హరితేజ.. ఇటీవల ఓ పండంటి ఆడపిల్లకు జన్మనిచ్చిన సంగతి తెలిసిందే.. సోషల్ మీడియాలో యాక్టివ్ గా ఉండే హరితేజ తాజాగా తన కుమార్తెను ఫ్యాన్స్ కు పరిచయం చేసింది. చిన్నారి చిట్టితల్లి ఫోటోలను షేర్ చేసింది. హరితేజ తన భర్త దీపక్ రావు తో కలిసి అమ్మదనంలోని కమ్మదనాన్ని ఆస్వాదిస్తున్న ఫోటోలను షేర్ చేసింది. ముద్దుల తనయను లాలిస్తున్న ఫోటోలు ఎంతగానో ఆకట్టుకుంటున్నాయి.

తన కుమార్తె కు ఇటీవలే బారసాల ఫంక్షన్ జరిగిందని.. చిన్నారికి భూమి దీప‌క్‌రావు అని పేరు పెట్టినట్లు ఫొటోలతో పాటు.. పేరుని కూడా ఫ్యాన్స్ కు పరిచయం చేసింది. ఏప్రిల్ 5న పుట్టిన కుమార్తె ఫోటోలను మూడు నెలల తర్వాత రివీల్ చేసింది. దీంతో సెలబ్రెటీలతో పాటు నెటిజన్లు చిన్నారి భూమిని దీవిస్తూ.. హరితేజ, దీపక్ రావు దంపతులకు శుభాకాంక్షలు చెబుతున్నారు. భూమి కూడా తల్లి హరితేజ లాగే ముద్దుగా ఉందని బుల్లి తెర నటులు కామెంట్స్ చేస్తున్నారు.

View this post on Instagram

A post shared by Hari Teja (@actress_hariteja)

హరితేజ మంచి డ్యాన్సర్.. అంతేకాదు సీరియ‌ల్స్ నటిగా అలరించింది. పలు షోల్లో యాంక‌ర్‌గా చేసి మంచి గుర్తింపు తెచ్చుకుంది. పలు సినిమాల్లో క్యారెక్టర్ ఆర్టిస్టుగా నటిస్తూ..మాటల మాంత్రికుడు త్రివిక్రమ్ వంటి డైరెక్టర్ తో ఆధునిక సూర్యకాంతం అనే ప్రశంసలను అందుకుంటుంది. బిగ్‌బాస్ సీజ‌న్ 1లోనూ తన సత్తార్ చాటింది. 2015లో వివాహం చేసుకున్న హరితేజ ఈ ఏడాది ఏప్రిల్ 5న కుమార్తెకు జన్మనిచ్చింది.