Kriti Sanon: కృతి సనన్ మనసులో ఉన్న హీరో అతనే.. హీరోయిన్ రిలేషన్‏షిప్ పై వరుణ్ ధావన్ ఆసక్తికర కామెంట్స్..

గత కొద్ది రోజులుగా బాలీవుడ్ బ్యూటీ కృతి సనన్.. యంగ్ రెబల్ స్టార్ ప్రభాస్ రిలేషన్ షిప్ గురించి సోషల్ మీడియాలో వార్తలు చక్కర్లు కొడుతున్న సంగతి తెలిసిందే. అయితే ఇందులో ఎంతవరకు నిజముందనేది తెలియదు కానీ.. ప్రభాస్ అంటే తనకు ఇష్టమని.. ఆయన్ను అభిమానిస్తున్నానని.. పెళ్లి చేసుకోవడానికి కూడా సిద్ధమే అని పలు సందర్భాల్లో కృతి చెప్పడంతో ఈ వార్తలు మరింత ఎక్కువయ్యాయి.. ఈ నేపథ్యంలో తాజాగా బాలీవుడ్ హీరో వరుణ్ ధావన్.. కృతి రిలేషన్ షిప్ గురించి చేసిన వ్యాఖ్యలు ఇప్పుడు ఇండస్ట్రీలో హాట్ టాపిక్ అయ్యాయి. ఓ స్టార్ హీరో ఆమెను ప్రేమిస్తున్నారని అన్నారు. తాను, కృతి కలిసి నటించిన భేదియా చిత్రం ప్రమోషన్లలో పాల్గొంటున్న ఆయన.. బీటౌన్ రియాల్టీ షోలో పాల్గొన్న ఆయన.. కృతి సనన్ పేరు నా జాబితాలో లేదు. ఎందుకంటే ఆమె పేరు మరొకరి హృదయంలో ఉంది. ఆ వ్యక్తి ప్రస్తుతం ముంబయిలో లేడు. వేరే ప్రాంతంలో దీపికా పదుకొణెతో కలిసి చిత్రీకరణలో ఉన్నాడు. అంటూ చెప్పుకొచ్చాడు.

దీంతో వరుణ్ చేసిన వ్యాఖ్యలు ఇప్పుడు ఇండస్ట్రీలో హాట్ టాపిక్ అయ్యాయి. ఈ వీడియో చూసిన ప్రభాస్ ఫ్యాన్స్ ఆగ్రహం వ్యక్తం చేస్తున్నారు. సినిమా ప్రమోషన్స్ కోసం డార్లింగ్ పేరును ఇంతలా వాడుతున్నారేంటీ ? అంటూ మండిపడుతున్నారు. బాలీవుడ్ డైరెక్టర్ ఓంరౌత్ తెరకెక్కించిన ఆదిపురుష్ సినిమా కోసం ప్రభాస్, కృతి కలిసి పనిచేశారు. రమాయణం ఇతిహాసం ఆధారంగా రాబోతున్న ఈ మూవీలో ప్రభాస్ రాముడిగా.. కృతి సీతగా.. రావణుడిగా సైఫ్ అలీ ఖాన్ నటిస్తున్నారు.

ఇవి కూడా చదవండి

Irene Cara: మూగబోయిన గాత్రం.. ఆస్కార్ అవార్డ్ గ్రహీత ఫేమస్ సింగర్ ఐరీన్ మృతి..

Prasanth Varma: హనుమాన్ సినిమా విషయంలో ప్రేక్షకులకు సారీ చెప్పిన డైరెక్టర్ ప్రశాంత్ వర్మ.. ఎందుకంటే..

Balakrishna: మోక్షజ్ఞ ఎంట్రీ పై మరోసారి బాలయ్య క్లారిటీ..  వెండితెరపై వారసుడు సందడి చేసేది అప్పుడే..

ఇక ప్రస్తుతం ప్రభాస్ చేతి నిండా ప్రాజెక్టులతో బిజీగా ఉన్నారు. కేజీఎఫ్ డైరెక్టర్ ప్రశాంత్ నీల్ దర్శకత్వంలో సలార్ సినిమాలో నటిస్తున్నారు. అలాగే.. డైరెక్టర్ నాగ్ అశ్విన్ దర్శకత్వంలో ప్రాజెక్ట్ కె సినిమా చేస్తున్నారు. అలాగే డైరెక్టర్ మారుతి.. దర్శకుడు సందీప్ వంగాతో మరో రెండు ప్రాజెక్ట్స్ చేయాల్సి ఉంది.