Suman: ఇప్పుడున్న హీరోలలో అతడు అద్భుతం.. డైలాగ్ చెబితే చూస్తూ ఉండిపోతాం.. నటుడు సుమన్..

నటుడు సుమన్ తన కెరీర్, ముఖ్యంగా రజనీకాంత్ హీరోగా వచ్చిన శివాజీ సినిమా అనుభవాలను ఓ ఇంటర్వ్యూలో పంచుకున్నారు. విలన్‌గా తాను చేసిన ఈ చిత్రం తర్వాత తెలుగులో తనకు సరైన గుర్తింపు లభించలేదని పేర్కొన్నారు. అయితే, తమిళంలో విజయ్, అజిత్, ధనుష్ వంటి అగ్ర హీరోలతో నటించే అవకాశాలు తక్షణమే లభించాయని వివరించారు. శివాజీ సినిమాను ఒప్పుకోవడానికి గల కారణాలను వివరిస్తూ, రజనీకాంత్, శంకర్, ఎ.ఆర్. రెహమాన్ వంటి దిగ్గజాలతో పనిచేయడం తన కెరీర్‌కు ఎంతో ఉపయోగపడిందని చెప్పారు.

Suman

Rajitha Chanti |
Updated on: Sep 13, 2026 | 5:01 PM

తెలుగు చిత్రసీమలో తనదైన నటన, అసమాన డ్యాన్స్, విలక్షణమైన డైలాగ్ డెలివరీతో సంచలనం సృష్టిస్తున్న నటుడు యంగ్ టైగర్ జూనియర్ ఎన్టీఆర్. ఎన్టీఆర్ ప్రతిభను కేవలం అభిమానులే కాకుండా పరిశ్రమలోని పలువురు సీనియర్ నటులు, రంగుల ప్రపంచంలోని దిగ్గజాలు కూడా ఎల్లప్పుడూ ప్రశంసిస్తూనే ఉంటారు. ఈ క్రమంలోనే సీనియర్ హీరో సుమన్ ఒక ఇంటర్వ్యూలో ఎన్టీఆర్‌ నటన, ఆయన నైపుణ్యాల గురించి ఆసక్తికర వ్యాఖ్యలు చేశారు. “జూనియర్ ఎన్టీఆర్ మాత్రమే అలా చేయగలడు” అని హీరో సుమన్ అని అన్నారు. ఎన్టీఆర్ స్క్రీన్ ప్రజెన్స్, డ్యాన్స్‌లో ఆయన చూపే వేగం, కష్టమైన పాత్రలను కూడా ఎంతో సులువుగా ఒడిసిపట్టుకునే తీరు పరిశ్రమలో అరుదుగా కనిపిస్తుంటాయని సుమన్ అన్నారు. ముఖ్యంగా పాత్రలోకి పరకాయ ప్రవేశం చేసి, డైలాగ్స్ చెప్పే క్రమంలో ఎన్టీఆర్ చూపే హావభావాలు, టైమింగ్ అద్భుతమని సుమన్ తెలిపారు.

ఎక్కువ మంది చదివినవి : Tollywood : బాబోయ్.. నెట్టింట గత్తరలేపుతున్న దండుపాళ్యం బ్యూటీ.. ఆమె ఇన్ స్టా చూస్తే..

ఎన్టీఆర్ తన తాతగారైన నందమూరి తారక రామారావు గారి నట వారసత్వాన్ని అందిపుచ్చుకోవడమే కాకుండా, తనకంటూ ఒక ప్రత్యేక శైలిని ఏర్పరుచుకుని ఎదిగిన తీరును ఆయన మెచ్చుకున్నారు. ఎంత పెద్ద సంభాషణలనైనా సరే, ఎంతో అలవోకగా సింగిల్ టేక్‌లోనే పూర్తి చేయడం ఎన్టీఆర్‌కే సొంతమని, ఆ విధమైన అంకితభావం, నటన పై ఉండే పట్టు చాలా కొద్దిమంది నటులలో మాత్రమే ఉంటాయని సుమన్ పేర్కొన్నారు.

ఎక్కువ మంది చదివినవి : Serial Song : పేరుకే సీరియల్ సాంగ్.. కుర్రాళ్లను ఓ ఊపు ఊపేసిన పాట ఇది.. ఇప్పటికీ యూట్యూబ్‏లో తగ్గని డిమాండ్..

పరిశ్రమలో సీనియర్లు, జూనియర్లు అనే తేడా లేకుండా ప్రతి ఒక్కరూ ఎన్టీఆర్ టాలెంట్‌ను అభినందిస్తారని, ప్రస్తుత తరం హీరోల్లో ఎన్టీఆర్ ప్రత్యేక స్థానాన్ని దక్కించుకోవడానికి ఆయన పడే కష్టమే కారణమని సుమన్ వెల్లడించారు. సీనియర్ హీరో సుమన్ ఎన్టీఆర్ నటనపై చేసిన ఈ ప్రశంసల వ్యాఖ్యలు సోషల్ మీడియాలో, నందమూరి అభిమానుల మధ్య ఎంతో వైరల్ అయ్యాయి.

ఎక్కువ మంది చదివినవి : Tollywood: సినిమా మొత్తం హీరో ఒకే రంగు షర్ట్ లో ఉంటాడు.. హిట్టు కాదన్నారు.. థియేటర్లు హౌస్ ఫుల్ అయ్యాయి..