Sonu Sood: రియల్ హీరోకు మరోసారి షాక్.. అక్రమంగా హోటల్ నిర్మించారంటూ..

రియల్ హీరో నటుడు సోనూసూద్‏కు బృహన్ ముంబై మున్సిపల్ కార్పొరేషన్ మరోసారి షాకిచ్చింది. ఆరు అంతస్తుల నిర్మాణాన్ని హోటల్‏గా మార్చారని సోనూసూద్‏కు బృహన్ ముంబై మున్సిపల్ కార్పొరేషన్ నోటీసులు జారీ చేసింది. ఆరు అంతస్తుల బిల్డింగ్ నిర్మాణం కాగా.. దానిని హోటల్‏గా మార్చారని.. తిరిగి ఆ భవనాన్ని ఇంటిగా పునరుద్దరించాలని గుర్తుచేస్తూ.. నవంబర్ 15న నోటిసులు జారీ చేసింది బీఎంసీ.

మహారాష్ట్రకు చెందిన హక్కుల కార్యకర్త గణేశ్ కుస్ములు సోనూసూద్ పై బీఎంసీకి కంప్లైంట్ చేశారు. రెసిడెన్షియల్ భవనాన్ని బాలికల వసతి గృహంగా మార్చారని.. దానిని హోటల్‏గా మార్చారని.. ఇది ఇల్లీగల్ నిర్మాణం అంటూ తన ఫిర్యాదులో పేర్కోన్నాడు. ఈ భవంతిని కూల్చేయాలని కోరారు. దీంతో ఈ ఏడాది ప్రారంభంలోనే బీఎంసీకి సోనూసూద్ కు మధ్య సంప్రదింపులు జరిగాయి. ఇక ఇదే విషయంపై సోనూసూద్ సూప్రీంకోర్టు వరకు వెళ్లారు. ఆ తర్వాత హైకోర్టు విచారణ అనంతరం తన పిటిషన్‏ను వెనక్కు తీసుకుని ఆ హోటల్‏ను తిరిగి నివాస భవనంగా మార్చేందుకు అంగీకరించారు.

ఇక తాజాగా బీఎంసీ పంపిన నోటీసులో ” భవనంలోని 1 నుంచి 6వ అంతస్థులలో మీరు వసతి.. బోర్డింగ్ కార్యకలాపాలను నిలిపివేసినట్లుగా లేఖలో పేర్కోన్నారు. మంజూరైన ప్లాన్ ప్రకారం ఆ భవనం కేవలం నివాస అవసరాలకు మాత్రమే ఉపయోగించబడుతుందని మీరు పేర్కోన్నారు. అదనంగా/మార్పు/పురోగతిలో అవసరమైన పని మార్పు ఉంది. కానీ.. అక్టోబర్ 20న భవనాన్ని చెక్ చేయగా.. ఆమోదించబడిన ప్లాన్ ప్రకారం మీరు ఇంకా ఆ భవనాన్ని పునరుద్ధరించలేదు. మీరు భవనాన్ని నివాసం కోసం పునరుద్దరిస్తామని జూలైలోనే మాకు హామీ ఇచ్చారు ” అంటూ గుర్తుచేసింది బీఎంసీ. ఇక ఆ భవనం పునరుద్ధరణ కోసం సోనూసూద్ కు ఏడు రోజుల సమయం ఇచ్చింది బీఎంసీ.

Also Read: Kamal Haasan: కమల్ హాసన్ పై తమిళనాడు ప్రభుత్వం సీరియస్.. కరోనా నిబంధనలు ఉల్లంఘించారంటూ..

Unstoppable With NBK: విలన్‏గా చేసేందుకు సై అంటున్న బాలకృష్ణ.. అఖండ టీంతో అన్‏స్టాపబుల్ కామెడీ..

Priyanka Singh: మానస్, కాజల్ వీడియో చూపించిన అరియానా.. మానస్ నుంచి ఇది ఎక్స్‏పెక్ట్ చేయలేదంటూ ప్రియాంక ఎమోషనల్..