Actor Satyadev : ‘గాడ్సే’ గా రానున్న సత్యదేవ్… షూటింగ్ మొదలు పెట్టిన చిత్రయూనిట్..

Actor Satyadev :  పూరీ జ‌గ‌న్నాథ్ డైరెక్ష‌న్‌లో వ‌చ్చిన జ్యోతిల‌క్ష్మి చిత్రంలో స‌త్య రోల్ స‌త్య‌దేవ్‌కు మంచి గుర్తింపు తెచ్చిపెట్టింది. ఆ త‌ర్వాత సోలో హీరోగా సినిమాలు చేస్తూ త‌న‌కంటూ స్పెష‌ల్ ఫ్యాన్ ఫాలోయింగ్ సంపాదించుకున్నాడు స‌త్యదేవ్‌. ప్ర‌స్తుతం చేతినిండా ప్రాజెక్టుల‌తో బిజీగా ఉన్నాడు. తాజాగా ‘బ్లఫ్‌ మాస్టర్‌’ తర్వాత దర్శకుడు గోపీ గణేశ్‌- నటుడు సత్యదేవ్‌ కలయికలో తెరకెక్కుతోన్న చిత్రం ‘గాడ్సే’. ఐశ్వర్య లక్ష్మి హీరోయిన్. మైండ్‌ గేమ్‌ తరహా కథాంశంగా రూపొందుతున్నట్టు సమాచారం.ఇప్పటికే విడుదల చేసిన ఈ మూవీ టైటిల్ పోస్టర్ కు కూడా మంచి రెస్పాన్స్ వచ్చింది. తాజాగా ‘గాడ్సే’ రెగ్యులర్ షూటింగ్ ప్రారంభమైనట్లు చిత్ర యూనిట్ ప్రకటించింది. ఈ చిత్రంలో నాజర్ – బ్రహ్మాజీ – ఆదిత్య మీనన్ – కిశోర్ తదితరులు నటించనున్నారు. ఈ చిత్రానికి సునీల్ కశ్యప్ సంగీతం సమకూర్చనున్నారు. గోపీ,సత్య కాంబినేషన్‌లో వస్తోన్న రెండో సినిమా కావడంతో అంచనాలు భారీగా ఉన్నాయి. ఈ చిత్రంతోపాటు ‘తిమ్మరుసు’, ‘గుర్తుందా శీతాకాలం’లో చేస్తున్నాడు సత్యదేవ్‌.

మరిన్ని ఇక్కడ చదవండి : 

విడుదలకు సిద్దమవుతున్న నితిన్ చెక్ మూవీ… సినిమా నైజాం హక్కులను దక్కించుకుంది ఎవరో తెలుసా..?