Dasara: ఫ్యాన్స్‏కు స్పెషల్ రిక్వెస్ట్ చేసిన నాని దసరా చిత్రయూనిట్.. ఆ వీడియోను షేర్ చేయకండి అంటూ విజ్ఞప్తి..

డైరెక్టర్ ఓదెల శ్రీకాంత్ దర్శకత్వంలో న్యాచురల్ స్టార్ నాని నటిస్తోన్న లేటేస్ట్ చిత్రం దసరా. సింగరేణి బొగ్గు గనుల నేపథ్యంలో తెరకెక్కుతున్న ఈ సినిమాలో నాని ఫుల్ ఊర మాస్ లుక్ లో కనిపించనుండగా.. ఇందులో కీర్తి సురేష్ కథానాయికగా నటిస్తోంది. ప్రస్తుతం ఈ మూవీ షూటింగ్ శరవేగంగా జరుగుతుంది. ఇప్పటికే విడుదలైన పోస్టర్స్ ఆసక్తిగా ఉండగా.. ఇటీవల విడుదలైన మాస్ సాంగ్ సినిమా ఎలా ఉండబోతుందో చూపించింది. అయితే ఆకస్మాత్తుగా ఈ సినిమాకు షాక్ తగిలింది. ఈ సినిమా షూటింగ్ సెట్స్ నుంచి లీకైన ఓ వీడియో ఒకటి ప్రస్తుతం సోషల్ మీడియాలో చక్కర్లు కొడుతుంది. ఇది గమనించిన మేకర్స్.. ట్విట్టర్ వేదికగా అభిమానులకు రిక్వెస్ట్ చేశారు. నెట్టింట వైరలవుతున్న ఆ లీక్డ్ వీడియోను ఎవరు షేర్ చేయొద్దని.. మరికొద్ది రోజుల్లో సాలిడ్ అప్డేట్ ఇస్తామని.. అప్పటివరకు ఓపిక పట్టాలని న్యాచురల్ స్టార్ ఫ్యాన్స్‏కు విజ్ఞప్తి చేశారు.

ఈ చిత్రంలో సముద్రఖని, ప్రకాష్ రాజ్, సాయి కుమార్, మీరా జాస్మిన్, జరీనా వహాబ్ కీలకపాత్రలలో నటిస్తున్నారు. ఈ సినిమాను శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి నిర్మిస్తుండగా.. సంతోష్ నారాయణన్ సంగీతం అందిస్తున్నారు. ఈ చిత్రాన్ని ఈ ఏడాది మార్చి 30న ప్రపంచవ్యాప్తంగా విడుదల చేయనున్నారు.

ఇక ఈ సినిమా అనంతరం నాని నూతన దర్శకుడు శౌర్యవ్ దర్శకత్వంలో ఓ సినిమా చేయబోతున్నాడు. ఇందులో సీతారామం బ్యూటీ మృణాల్ ఠాకూర్ కథానాయికగా నటిస్తుంది. వైరా ఎంటర్టైన్మెంట్స్ బ్యానర్ పై మోహన్ చెరుకూరి నిర్మిస్తున్నారు. అలాగే డైరెక్టర్ శైలేష్ కొలను దర్శకత్వంలో హిట్ 3 చిత్రంలో నటించనున్నారు.

ఇవి కూడా చదవండి

Waltair Veerayya: ఏయూలో చకచకా ప్రీ రిలీజ్ ఈవెంట్ ఏర్పాట్లు.. విశాఖకు రానున్న మెగాస్టార్ చిరంజీవి, రవితేజ..

Urfi Javed: అలాంటి దుస్తులు వేసుకోవడానికి కారణమదే.. షాకింగ్ ఫోటోస్ షేర్ చేసిన ఉర్ఫీ జావేద్.

Vijay Thalapathy: ఆ సీన్ చేసేటప్పుడు విజయ్‏ను అతని తండ్రి తిట్టాడు.. ఆసక్తికర కామెంట్స్ చేసిన సీనియర్ హీరోయిన్ సంఘవి..

Adivi Sesh: మాటల్లో చెప్పలేని మూమెంట్.. చిరుకు థాంక్స్ చెబుతూ అడివి శేష్ ఎమోషనల్ పోస్ట్..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.