Mansoor Ali Khan: జైలర్ సినిమాలకే తమన్నా పాట పై షాకింగ్ కామెంట్స్ చేసిన లియో యాక్టర్..

Tamanna

రజనీకాంత్‌ నటించిన ‘జైలర్‌’ చిత్రం ఘనవిజయం సాధించింది. జైలర్ సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన ఆవరసం లేదు. రజినీకాంత్ యాక్షన్ తో ఆకట్టుకున్నాడు. అలాగే ఈ సినిమా సక్సెస్ కు మ్యూజిక్ ఎంత పెద్ద ప్లెస్ అయ్యిందో తెలిసిందే. ఈ సినిమా బ్యాక్ గ్రౌండ్ స్కోర్ బాగా పాపులర్ అవడంతో పాటు ఈ మూవీలో ‘కావాలయ్యా అనే సాంగ్ వైరల్ గా మారింది. ‘కావాలయ్యా’ పాట ఇన్‌స్టా రీల్స్‌లో మోతమోగిపోయింది. షకీరా మోడల్‌లో తమన్నా కూడా గట్టిగానే  ఆకట్టుకుంది. అందులోనూ ఆ పాటకి హుక్ స్టెప్ బాగా ట్రెండ్ అయ్యింది. అయితే ఇప్పుడు ఆ పాటలో కూడా తమన్నా డ్యాన్స్ చేసిన తీరుపై ఓ తమిళ నటుడు షాకింగ్ కామెంట్స్ చేశాడు.

ఇటీవల విడుదలైన ‘లియో’తో పాటు పలు తమిళ చిత్రాల్లో నటించిన నటుడు మన్సూర్ అలీఖాన్ ‘సరకు’ అనే చిత్రాన్ని రూపొందించగా, సెన్సార్ బోర్డు ఈ చిత్రానికి చాలా కట్‌లు సూచించింది. ఆ తర్వాత విలేకరుల సమావేశంలో మాట్లాడిన మన్సూర్ అలీఖాన్.. ‘కావాలయ్యా ’ పాట గురించి ప్రస్తావించాడు.

కావాలయ్యా’ పాట చాలా చెత్తగా ఉంది. ఆ పాటలో, తమన్నా చిరిగిన బట్టలు ధరించి, ‘కావాలా’ ‘కావాలయ్యా’ అని అడుగుతూ ఆమె చేతులతో సైగలు చేసింది అసలు ఆ పాటలో, తమన్నా ఏదో వైపు చూపిస్తూ తనకు ఏమి కావాలో అడుగుతోంది. సెన్సార్ సభ్యులు ఆ పాటను ఎందుకు తొలగించలేదు..? అని అన్నారు. జైలర్’ సినిమాలోని కావాలయ్యా పాట వైరల్‌గా మారింది. పాటలోని హుక్ స్టెప్‌ను కూడా సెలబ్రిటీలతో సహా నెటిజన్లు రీక్రియేట్ చేసి రీల్స్‌ను చేశారు. కొన్ని షోలలో తమన్నా స్వయంగా ఆ పాటకు డ్యాన్స్ కూడా చేసింది. అత్యంత పాపులర్ అయిన పాట డాన్స్ గురించి మన్సూర్ అలీ ఖాన్ తక్కువ చేసి మాట్లాడడంపై నెటిజన్లు అభ్యంతరం వ్యక్తం చేస్తున్నారు.

మన్సూర్ అలీఖాన్ చాలా సంవత్సరాలు సహాయ నటుడిగా ,విలన్ గా ,  హాస్యనటుడిగా ప్రసిద్ధి చెందారు. మన్సూర్ అలీఖాన్ కొన్ని తమిళ, తెలుగు, కన్నడ సినిమాల్లో నటించారు. తను తీసిన సినిమా సెన్సార్ సమస్యని ఎదుర్కొంటోంది కాబట్టే ఇప్పుడు ‘జైలర్ ‘ పాటపై అభ్యంతరం వ్యక్తం చేస్తూ ‘సెన్సార్ సభ్యులు ఇలాంటి వాటిని పట్టించుకోరు అంటూ కామెంట్స్ చేశాడు.

మరిన్ని సినిమా వార్తల కోసం ఇక్కడ క్లిక్ చేయండి