Sarkaru Vaari Paata: మహేశ్ అభిమానులకు గుడ్‏న్యూస్.. ‘సర్కారు వారి పాట’ అప్‏డేట్ ఇచ్చిన మేకర్స్.. ఫస్ట్‏లుక్ ఎప్పుడంటే..

టాలీవుడ్ సూపర్ స్టార్ మహేశ్ బాబు ప్రధాన పాత్రలో నటిస్తున్న లెటేస్ట్ చిత్రం సర్కారు వారి పాట. ఈ సినిమాకు పరశురామ్ దర్శకత్వం

Mahesh Babu

Updated on: Jul 29, 2021 | 7:41 PM

టాలీవుడ్ సూపర్ స్టార్ మహేశ్ బాబు ప్రధాన పాత్రలో నటిస్తున్న లెటేస్ట్ చిత్రం సర్కారు వారి పాట. ఈ సినిమాకు పరశురామ్ దర్శకత్వం వహిస్తుండగా..కీర్తి సురేష్ హీరోయిన్‏గా నటిస్తోంది. బ్యాంకింగ్ రంగంలో జరుగుతున్న మోసాల నేపథ్యంలో తెరకెక్కుతున్న ఈ సినిమాను మైత్రీ మూవీ మేకర్స్, జీఎంబీ ఎంటర్ టైన్మెంట్స్, 14 రీల్స్ ప్లస్ నిర్మాణ సంస్థలు సంయుక్తంగా నిర్మిస్తున్నాయి. ఇక దుబాయ్ లో ఫస్ట్ షెడ్యూల్ పూర్తి చేసిన ఈ మూవీ జూలై 12న హైదరాబాద్ లో రెండో షెడ్యూల్ చిత్రీకరణను మొదలు పెట్టింది. అయితే ఈ సినిమా గురించి ఆసక్తిగా ఎదురుచూస్తున్న మహేశ్ అభిమానులకు చిత్రయూనిట్ శుభ వార్త చెప్పింది. సర్కారు వారి పాట సినిమా నుంచి ఫస్ట్‏లుక్ ను జూలై 31న విడుదల చేయనున్నట్లుగా ప్రకటించింది. ఈ మేరకు ట్విట్టర్ లో ఓ పోస్టర్ ను విడుదల చేసింది మైత్రీ మూవీ మేకర్స్. అలాగే ఈ సినిమాలో మహేశ్ సరికొత్త లుక్ లో కనిపించబోతున్నట్లుగా స్పష్టం చేసింది చిత్రయూనిట్.

అయితే తాజాగా విడుదలైన పోస్టర్‏లో మహేశ్.. చేతిలో ఓ బ్యాగ్ పట్టుకుని నడుచుకుంటూ వెళ్తున్నట్లుగా కనిపిస్తోంది. అతనితోపాటు పోస్టర్‌లో కొన్ని కార్లు, బైకులు, రౌడీలు కూడా కనిపిస్తున్నారు. పోస్టర్‌లోని ప్రిన్స్‌ లుక్‌ అందరిని ఆకర్షిస్తుంది. ఎట్టకేలకు మహేశ్ ఫస్ట్‏లుక్ అప్ డేట్ రావడంతో ఆయన అభిమానులు పుల్ ఖుషి అవుతున్నారు. ఇక ఈ సినిమాలో కీలక పాత్రను యాక్షన్ కింగ్ అర్జున్ నటిస్తున్నారు.

ట్వీట్..

Witness our SuperStar in never seen before avatar ?#SVPFirstNotice on July 31st ?#SarkaruVaariPaata

Super ? @urstrulyMahesh @KeerthyOfficial @ParasuramPetla @MusicThaman @GMBents @14ReelsPlus @SVPTheFilm pic.twitter.com/fwEEZv8AnY

— Mythri Movie Makers (@MythriOfficial) July 29, 2021