Pushpa: పుష్ప సినిమాపై హింట్ ఇచ్చేసిన ఫహాద్ ఫాజిల్.. పార్ట్ 3 కూడా ఉంటుందంట..

డైరెక్టర్ సుకుమార్ తెరకెక్కించిన పుష్ప (Pushpa) సినిమా ఇండియన్ బాక్సాఫీస్‏ను షేక్ చేసింది. స్టైలీష్ స్టార్ అల్లు అర్జున్ (Allu Arjun), రష్మిక మందన్నా జంటగా నటించిన ఈ మూవీకి దేశవ్యాప్తంగా భారీ రెస్పా్న్స్ వచ్చింది. ఇందులో బన్నీ పోషించిన పుష్పరాజ్ పాత్రకు సౌత్ టూ నార్త్ ఆడియన్స్ బాగా కనెక్ట్ అయ్యారు. పుష్పరాజ్ ఆడిట్యూడ్, వాకింగ్ స్టైల్ ను తెగ ఫాలో అయ్యారు. ఇక ఇప్పుడు రాబోతున్న పుష్ప పార్ట్ 2 పై భారీగానే అంచనాలు నెలకొన్నాయి. ఆగస్ట్ చివరి వారంలో సెకండ్ పార్ట్ రెగ్యూలర్ షూటింగ్ ప్రారంభం కానున్నట్లు తెలుస్తోంది. ఇప్పటికే ఈ మూవీకి సంబంధించిన అప్డేట్స్ సోషల్ మీడియాలో తెగ వైరల్ అవుతున్నాయి. ఈ క్రమంలోనే తాజాగా పుష్పలో ప్రతినాయకుడి పాత్రలో కనిపించి మలయాళ నటుడు ఫహాద్ ఫాజిల్ సెకండ్ పార్ట్ గురించి హింట్ ఇచ్చేశాడు. ఓ ఇంటర్వ్యూలో పాల్గోన్న ఫహద్..పుష్ప 3 కూడా ఉండే ఛాన్స్ ఉందని క్లారిటీ ఇచ్చేశాడు.

ఫహాద్ మాట్లాడుతూ.. “సుకుమార్ సర్ నాకు పుష్ప స్టోరీ చెప్పినప్పుడు కేవలం కేవలం ఒక కథ మాత్రమే ఉంది. ఆ తర్వాత పోలీస్ స్టేషన్ సీన్ సెకండాఫ్ లో నా పాత్ర తర్వాత రెండు కథలుగా మారింది. దీంతో పుష్ప 2లోకి నా పాత్రకు ప్రమోషన్ వచ్చింది. పుష్పరాజ్ కథ కేవలం ఒక సినిమాకే సరిపోతుందని భావించిన సుకుమార్ ప్లాన్ మార్చేసి రెండు భాగాలుగా తెరకెక్కిస్తున్నాడు. ముందుగు దీనిని సిరీస్ గా తీయాలనుకున్నారు. కానీ అది సినిమాగా మారింది. నెట్ ఫ్లిక్స్ కోసం ఎర్రచందనం పై ఓ వెబ్ సిరీస్ తీయాలనుకున్నారు. ఇటీవల సుకుమార్ నాతో మాట్లాడినప్పుడు పుష్ప 3 కూడా ఉండే స్కోప్ ఉందని చెప్పారు. అందుకు కావాల్సిన స్క్రిప్ట్ కూడా సిద్ధంగా ఉంది ” అంటూ చెప్పుకొచ్చారు. దీంతో ఇప్పటికే పుష్ప 2 పై ఎన్నో అంచనాలు పెట్టుకున్న ఫ్యాన్స్ ఇక ఇప్పుడు పుష్ప 3 కూడా ఉందని క్లారిటీ రావడంతో ఉండడంతో ఖుషీ అవుతున్నారు. ఇక లేటేస్ట్ అప్డేట్ ప్రకారం పుష్ప సెకండ్ పార్ట్ లో విజయ్ సేతుపతి, బాలీవుడ్ నటుడు మనోజ్ బాజ్ పాయ్ కీలకపాత్రలలో కనిపించనున్నట్లు టాక్ వినిపిస్తోంది. ఇక ఆగస్ట్ చివరి వారంలో షూటింగ్ ప్రారంభం కాగా..దాదాపు 6 నెలల పాటు సుదీర్ఘమైన షెడ్యూల్ జరగనుందని.. ఆ సమయంలో యాక్షన్ సన్నివేశాలను చిత్రీకరించనున్నట్లు తెలుస్తోంది.

Fahadh Confirmed ✅ #Pushpa3 @alluarjun ? pic.twitter.com/8snjrpIb82

— AlluArjun Army Nandikotkur (@AAArmy_Ndk) July 19, 2022

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.