12 Years for Magadheera : రాజమౌళిని దర్శకధీరుడిగా.. రామ్ చరణ్‌‌‌‌ను స్టార్ హీరోగా మార్చిన మగధీరకు 12 ఏళ్ళు..

మెగా పవర్ స్టార్ రామ్ చరణ్ కెరీర్ లో బిగెస్ట్ హిట్‌‌‌గా నిలిచిన మగధీర. దర్శక ధీరుడు రాజమౌళి తెరకెక్కించిన ఈ సినిమా విడుదలై 12 ఏళ్ళు అవుతోంది. రామ్ చరణ్- కాజల్ అగర్వాల్ జంటగా నటించిన ఈ సినిమాను..

Magadheera Movie

Updated on: Jul 31, 2021 | 11:33 AM

Ram Charan: మెగా పవర్ స్టార్ రామ్ చరణ్ కెరీర్ లో బిగెస్ట్ హిట్‌‌‌గా నిలిచిన మగధీర. దర్శక ధీరుడు రాజమౌళి తెరకెక్కించిన ఈ సినిమా విడుదలై 12 ఏళ్ళు అవుతోంది. రామ్ చరణ్- కాజల్ అగర్వాల్ జంటగా నటించిన ఈ సినిమాను గీత ఆర్ట్స్ బ్యానర్ పై ప్రముఖ ప్రొడ్యూసర్ అల్లు అరవింద్ నిర్మించారు. పూర్వ జన్మల నేపథ్యంలో తెరకెక్కిన ఈ సినిమాలో రామ్ చరణ్ రెండు డిఫరెంట్ రోల్స్‌‌‌‌లో కనిపించరు. కాలభైరవగా..హర్ష అనే రెండు పాత్రల్లో కనిపించడు చరణ్. అలాగే కాజల్ మిత్రవిందగా.. ఇందు గా కనిపించి ఆకట్టుకుంది. ఇక చందమామ కాజల్ అగర్వాల్ ఈ సినిమాతో ఒక్కసారిగా పాపులర్ అయ్యింది. ఈ సినిమా తర్వాత కాజల్ కు తెలుగులో ఆఫర్లు క్యూ కట్టాయి. భారీ సెట్టింగ్స్‌‌‌‌తో విజువల్ వండర్‌‌‌‌గా తెరకెక్కిన మగధీర సరికొత్త రికార్డులను క్రియేట్ చేసింది. అప్పటివరకు ఉన్న రికార్డ్‌‌‌‌ను ఈ సినిమా తిరగరాసింది.

అప్పటి వరకు మహేష్ బాబు నటించిన పోకిరి సినిమా 40కోట్లు వసూల్ చేసి నెంబర్ వన్‌‌‌‌గా కంటిన్యూ అవుతుంది. సరిగ్గా అదే సమయంలో వచ్చిన మగధీర సినిమా40కోట్ల వసూల్‌‌‌‌ను అవలీలగా దాటేసింది. ఈ చిత్రం 2009లోనే 80 కోట్ల‌కు పైగా షేర్ వ‌సూలు చేసి రాజ‌మౌళి రేంజ్ ఏంటో చూపించింది. తెలుగు సినిమా రేంజ్ కూడా మగధీర మార్చేసింది. ఎస్.ఎస్.రాజమౌళి తన దర్శక ప్రతిభ ఏపాటిదో ఈ చిత్రంతో మరోసారి నిరూపించారు. ఇక ఈ సినిమా 12 ఏళ్లూపూర్తి చేసుకున్న సందర్భంగా రామ్ చరణ్ అభిమానులు సోషల్ మీడియా వేదికగా ఈ సినిమాను ట్రెండ్ చేస్తున్నారు. సినిమాకు సంబంధించిన పోస్టర్లను షేర్ చేస్తూ తెగ హడావిడి చేస్తోన్నారు. ప్రస్తుతం రాజమౌళి దర్శకత్వంలో ఆర్ఆర్ఆర్ సినిమాలో చరణ్ నటిస్తోన్న విషయం తెలిసిందే. ఈ సినిమాలో అల్లూరి సీతారామరాజుగా కనిపించనున్నాడు చరణ్. ఇదిలా ఉంటే ఇటీవల మగధీర సినిమాకు సీక్వెల్ రాబోతుందంటూ వార్తలు వినిపించాయి. ఈ వార్తల పై క్లారిటీ అయితే రాలేదు కానీ అభిమానులు మాత్రం ఈ సినిమాకు సీక్వెల్ రావాలని కోరుకుంటున్నారు. మరి అభిమానుల కోరిక నెరవేరుతుందో లేదో చూడాలి.