వరుస ఫ్లాప్‌లు.. బాలీవుడ్‌కు టాలీవుడ్‌ డైరక్టర్..!

అందాల రాక్షసి చిత్రంతో దర్శకుడిగా ఎంట్రీ ఇచ్చిన హను రాఘవపూడి.. ఆ మూవీతో విమర్శకులను మెప్పించారు. ఇక రెండో సినిమాగా నానితో కృష్ణగాడి వీర ప్రేమగాథను తెరకెక్కించిన ఈ దర్శకుడు మంచి విజయాన్ని తన ఖాతాలో వేసుకున్నారు. కానీ ఆ తరువాత హను తెరకెక్కించిన లై, పడి పడి లేచే మనసు చిత్రాలు బాక్సాఫీస్ వద్ద ఫ్లాప్‌లుగా నిలిచాయి. దీంతో ఆయా చిత్రాల నిర్మాతలు నష్టాలను చవిచూశారు. మరోవైపు ఈ దర్శకుడు ఎక్కువగా రీ షూట్‌లు చేస్తూ డబ్బును వేస్ట్ చేస్తుంటాడన్న అపవాదు కూడా ఫిలింనగర్‌లో ఉంది. ఈ క్రమంలో ప్రస్తుతం ఆయనతో సినిమాలు తీసేందుకు నిర్మాతలు ముందుకు రావడం లేదట.

ఇదిలా ఉంటే హనుకు బాలీవుడ్‌లో ఇప్పుడు క్రేజీ ఆఫర్ వచ్చింది. సన్నీ డియోల్‌తో హను సినిమాను తీయబోతుండగా.. అనుజ్ శర్మ ఈ మూవీని నిర్మించబోతున్నారు. యాక్షన్ థ్రిల్లర్‌గా తెరకెక్కబోతున్న ఈ చిత్రం త్వరలోనే సెట్స్ మీదకు వెళ్లనుంది. దీనికి సంబంధించిన మరిన్ని వివరాలు త్వరలో అధికారికంగా తెలియనున్నాయి. చూడాలి మరి ఈ మూవీతో హిట్ కొట్టి ఈ డైరక్టర్ మళ్లీ ఫామ్‌లోకి వస్తారేమో..!

Read This Story Also: ప్రకాష్ రాజ్‌కు కోర్టు షాక్.. సమన్లు జారీ..!